فاریاب بیلیم یورتی نینگ یاتاق‌خانه ده‌گی طلبه‌لری گه کوره، اوشبو ولایت بیلیم یورتی مسئوللری یاتاق‌خانه آوقتینی کیسگن ایدیلر، بیراق حاضر ایسه یوللـه‌گن مکتوب‌لریده طلبه‌لر نی یاتاق‌خانه‌دن چیقیش‌لرینی سوره‌گنلر.
فاریاب بیلیم یورتی طلبه‌لریدن بیری سراج‌الدین نینگ ایتیشیچه، فاریاب بیلیم یورتی مسئوللری نیچه مدت آلدین، یاتاق‌خانه آوقتینی کیسگن ایدیلر، بیراق حاضر ایسه طلبه‌لر نینگ یاتاق‌خانه‌دن چیقریش نی ایسته‌یدیلر.
مذکور طلبه نینگ کوپه‌یتیریشیچه، فاریاب بیلیم یورتی مسئوللری یاتاق‌خانه بنا‌سی نی شرعیات و حقوق فاکولته‌سی گه اوزگریش اوچون قرار آلگنلر. سراج‌الدین نینگ ایتیشیچه: «آوقت‌نی کیسگنلریدن کیین، حاضر ایسه یشه‌یدیگن ییریمیزنی هم آله‌دیلر. عدالت ایسته‌یمیز و دولت‌دن اوز حقی‌میز نی ایسته‌یمیز.»
فاریاب بیلیم یورتی طلبه‌لریدن باشقه بیری داد‌الله محمدی نینگ ایتیشیچه، ناراضی‌لیک بیلدیریش‌لریدن مقصد، حق‌لری نی ایسته‌ماق دیر و اسلامی امارت سیس‌لری نی ایشیتیشی کیره‌ک. اونگه کوره، طلبه‌لر یاتاق‌خانه‌ده نیچه مدتگچه مسافر‌لر، هیچ بیر گروه بیلن ارتباط‌لری یوق و قیین‌چیلیکلری حل بولمه‌گن صورت‌ده، تحصیل نی ترک قیلیش‌لری ممکن.
بیزلرنینگ توییترده هم تعقیب قیلینگ!
شونده‌ی بیرحالده، فاریاب بیلیم یورتی مسئوللری طلبه‌لر اعتراضی نی تصدیق‌لب ایتیش‌لریچه، قیز و اوغیل طلبه‌لر نینگ اَییریش اوچون صنف‌لر نینگ کم‌لیگی بیلن روپه‌ره بولگنلر، اویوزدن بیر مرته طلبه‌لر بیلن بو موضوع نی شریک قیلگنلر، بیراق طلبه‌لر نی دولتی یاتاق‌خانه‌دن چیقریش گه نیت‌لری یوق.
فاریاب بیلیم یورتی رئیسی فیروز اوزبیک کریمی نینگ ایتیشیچه، یاتاق‌خانه‌لردن طلبه‌لرنی چیقریش گه نیت‌لری یوق، بیراق طلبه‌لر اداره بیلن هماهنگ‌لیک قیلمس‌دن اعتراض قیگنلر که اعتراض قیلووچیلر بیلن اوچره‌شگندن کیین، قیین‌چیلیک حل بولدی.
جناب کریمی نینگ کوپه‌یتیریشیچه: «طلبه‌لرنی یاتاق‌خانه‌دن چیقره‌میز دیگن ایدیک، بیراق یاتاق‌خانه‌دن چیقریش گه جدی قرار آلگنیمیز یوق و بو قیین‌چیلیک نی ایسه طلبه‌لر بیلن مصلحتی بیلن حل قیلدیک.»
بیزلرنینگ فیسبوک صحیفه‌میزگه باش اورینگ!
عین حالده، طلبه‌لر قیین‌چیلیکلری حل بولمه‌گن صورت‌ده، تحصیل نی ترک قیلیب، ایشله‌ماق اوچون قوشنی مملکت‌لر گه کیتیش‌لرینی ایتگنلر.
