افغانستان پایتختی کابل شهری ده القاعده گروهی نینگ رهبری ایمن الظواهری، آمریکا تامانیدن هوایی هجوم آرقهلی اولدیریلیشیدن کیین، قطار سیاسی ایش بیلرمانلر نینگ ایشانچی گه کوره، اسلامی امارت بیلن دنیا جماعهچیلیگی نینگ مناسبتی اوستیگه سلبی تأثیر قیلهدی.
سلاموطندار بیلن صحبت اوتکزگن ایش بیلرمانلر نینگ ایتیشلریچه، دنیا جماعهچیلیگی نینگ خواستلریدن بیری عصیانچی گروهلر بیلن اسلامی امارت نینگ مناسبتی کیسیلیشی ایدی؛ بیراق اسلامی امارت افغانستان ده القاعده رهبری گه جای بیریش بیلن، دنیا همجمعیت نینگ خواهش_ارادهسیگه تن بیرمسلیکنی اثباتلهیدی. ایش بیلرمانلر گه کوره، اسلامی امارت نینگ بو گَل ایشلری رسمیت گه تانیش جریانینی قیینلشتیرهدی.
بیزلرنینگ فیسبوک صحیفهمیزگه باش اورینگ!
سیاسی ایش بیلرمان حکمتالله حکمت نینگ ایتیشیچه: «دنیا جماعهچیلیگی اسلامی امارت بیلن مالی یاردملری، رسمیت گه تانیش و مناسبتلرینی تیکشیریب و رسمیت گه تانیش پروسهسینی توختهتیشی ممکن.»
باشقه تاماندن سیاسی ایش بیلرمانلر نینگ ایتیشلریچه، افغانستان ده القاعده رهبری ایمن الظواهری اولدیریلیشی، اسلامی امارت بیلن بو گروه نینگ ارتباطی بولیشیدن دلالت بیرهدی. ایش بیلرمانلر اسلامی امارت ایمن الظواهری گه جای بیریش بیلن، آمریکا و اسلامی امارت آرهسیده دوحه بیتیمینی بوزیش عنوان قیلهدیلر. اولر اسلامی امارت دن، ملی منفعت اوچون القاعده بیلن مناسبتلرینی کیسیشنی سورهیدیلر.
سیاسی ایش بیلرمان عزیز معارج نینگ سلاموطندار گه ایتیشیچه: «اسلامی امارت القاعده گروهی بیلن یقین ارتباط ده بولیشینی اثباتلهدی. اسلامی امارت هیچ بیر گروه گه افغانستان ده فعالیت قیلیش اجازهسینی بیرمسلیککه دایر دوحه بیتیمینی بوزیش دیر.»
بیزلرنینگ توییترده هم تعقیب قیلینگ!
کابل شهری ده القاعده رهبری ایمن الظواهری نینگ اولیشیدن تورت کون اوتماقده، بیراق اسلامی امارت ییریک رسمیلری، القاعده رهبری نینگ اولیشینی تصدیق یا ده رد قیلمهگن.
بوندن آلدین اسلامی امارت سوزلاوچیسی ذبیحالله مجاهد بیر بیانیه ترقهتیب، کابل ده آمریکا نینگ اوچووسیز اوچاقی هجومینی تصدیقلب و اوشبو هجوم نی آمریکا تامانیدن مملکت هوایی حریمینی نقض قیلیش عنوان قیلگن ایدی.