القاعده رهبری ایمن الظواهری اولدیریلیشیدن کیین، آمریکا دولتی چیت ایل ده‌گی اوز فقرالری گه، القاعده نینگ احتمالی هجومی خصوصیده آگاه‌لنتیرگن.
الظواهری یک‌شنبه کونی (۹ اسد) افغانستان پایتختی کابل ده آمریکا حربی‌لری نینگ هوایی هجومی نتیجه‌سیده اولدیریلدی.
بیزلرنینگ فیسبوک صحیفه‌میزگه باش اورینگ!
۷۱ یاشر مصرلیک ایمن الظواهری، میلادی ۲۰۱۱_ییل اسامه بن‌لادن اولیشیدن کیین، القاعده گروهی نینگ ییتکچیلیگینی تن آلگن ایدی.
آمریکا تشقی ایشلر وزیرلیگی نینگ ایتیشیچه، الظواهری اولیشی بیلن القاعده حامی‌لری و باشقه تروریستیک گروه‌لر، آمریکا قوشمه ایالت‌لری نینگ تأسیساتی و پرسونلینی نشانگه آلیشی ممکن.
مذکور وزیرلیک نینگ کوپه‌یتیریشیچه، اولر نینگ معلومات‌لری اساسیده، ترورچی تشکیلات‌لر دنیا مقیاسیده آمریکا قوشمه ایالت‌لری نینگ منفعتی گه قرشی تروریستیک هجوملرینی ریجه‌لشتیریش گه دوام بیرماقده‌لر.
بیزلرنینگ توییترده هم تعقیب قیلینگ!
آمریکا تشقی ایشلر وزیرلیگی نینگ ایتیشیچه، اوشبو هجوم‌لرده ایریم تکتیک‌لر جمله‌دن خودکش، ترور، آدم اوغیرلش، اوچاق اوغیرلش و بمب ییرلشتیریش کبی ایشلر گه قول اوروش‌لری ممکن.
مذکور وزیرلیک آمریکا یشاوچیلری گه، خارج گه سفرلری چاغیده دقت قیلیش‌لرینی طلب قیلگن.
