آمریکا قوشمه ایالت‌لری نینگ جمهور باشلیغی جوبایدن گه کوره، اوشبو مملکت نینگ حربی کوچلری ریجه‌لنتیریلگن بیر هجوم ده القاعده رهبری ایمن الظواهری نی افغانستان پایتختی کابل ده اولدیرگن؛ بو هجوم میلادی ۲۰۱۱_ییل ده اسامه بن‌لادن اولدیریلیشیدن کیین مذکور گروه گه آغیر ضربه سنله‌دی.
الظواهری مصرلیک بیر داکتر ایدی و آمریکا اونی اولدیریش اوچون ۲۵ میلیون دالر مکافات تعینله‌گن ایدی، میلادی ۲۰۱۱ ییل ۱۱ سپتامبر هجومینی ریجه‌لشتیریش و قنده‌ی عملگه آشیریش ده قولی بولگن که سپتامبر هجومی ده قریب ۳۰۰۰ کیشی هلاک بولدی.
بیزلرنینگ فیسبوک صحیفه‌میزگه باش اورینگ!
بیر آمریکا رسمی‌سی، اسمی سِر قالیش شرطی بیلن ایتیشیچه، الظواهری یک‌شنبه کونی ایرته‌لب کابل شهری ده تینچ اوی نینگ کیلکینی یقینیده کیلگن ایدی، آمریکا نینگ اوچووسیز اوچاقی آرقه‌لی اولدیریلدی.
بایدن گه کوره: «عدالت عملی بولدی و بو تروریست رهبر باشقه یوق دیر. قنچه زمان تارتگنی، قییرده یاشیرینگنی مهم ایمس. سیزلر اهالی اوچون تهدید بولسه‌لرینگیز، آمریکا قوشمه ایالت‌لری تاپیب و سیزلرنی یوق ایته‌دی.»
آمریکا جمهور باشلیغی نینگ کوپه‌یتیریشیچه، کابل شهری نینگ مرکزی ده اوشبو هجوم بویروغینی اوزی صادر قیلگن و بو هجوم ده هیچ بیر تینچ اهالی گه زیان ییتیشمه‌گن. کابل ده اسلامی امارت اوچ سوزلاوچیسی، الظواهری نینگ اولیشی خصوصیده سوزلش دن باش تارتدیلر.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد، دوشنبه کونی اوشبو هجوم نی تصدیقلب و اونی قتیق محکوم قیلدی. او مذکور هجوم نی «خلق‌ارا قانون_قاعده‌لر» گه قرشی عنوان قیلگن.
ایچکی ایشلر وزیرلیگی نینگ سوزلاوچیسی عبدالنافع تکور گه کوره، یک‌شنبه کونی کابل شهری ده نشانگه آلینگن اوی؛ کابل شهری ده قیمت‌لی منطقه‌لردن دیر که نیچه ایلچیخانه اوییر ده موجود. اونینگ کوپه‌یتیریشیچه: «اوی بوش‌لیگی باعث، هیچ تلفات بولمه‌گن.»
