ایش بیلرمانلردن قطاری، افغانستان منطقه و خلقارا رقابتلر مرکزی گه اوزگریشیدن خواطر بیلدیرهدیلر. اولر نینگ ایتیشلریچه، حاضرگی وضعیت گه بناً قوشنی اولکهلر، ترکیه و تاجیکستان کبی منطقه مملکتلریدن بیرقطاری اسلامی امارت مخالفلریدن میزبانلیک قیلیب و غربی قطار مملکتلر، اوشبو مخالفلر داعش و باشقه تروریستیک گروهلر بیلن مناسبتلرینی مستحکملش مقصدیده اوستیلریگه سرمایه یاتقیزیب و افغانستان شمالینی ناتینچ قیلیشنی ایستهیدی.
سیاسی مسئلهلر بوییچه ایش بیلرمان گلمحمد گلزی، مملکت نینگ حاضرگی وضعیتیدن خواطر بیلدیریب ایتیشیچه، اسلامی امارت نینگ ایچکی و تشقی مشروعیتی یوق و شونینگدیک قوشنی اولکهلر بیلن هم مناسبتلری یخشی ایمس. اونگه کوره، اسلامی امارت دنیا جماعهچیلیگی بیلن مناسبتلرینی مستحکملش، ایچکی و تشقی مشروعیت تاپیش اوچون تیزلیک بیلن اقدام قیلمهگن تقدیرده، جدی خطر بیلن روپهره بولیشی ممکن.
بیزلرنینگ فیسبوک صحیفهمیزگه باش اورینگ!
گلمحمد گلزی نینگ ایتیشیچه: «ایریم میدیالر نینگ معلوماتی گه بناً، دنیا جماعهچیلیگی افغانستان شمالی ولایتلرینی ناتینچ قیلیش اوچون دوستم گه ۲۵۰ میلیون دالر بیرگن، افغانستاننی ناتینچ قیلیش اوچون بو کتته پروژه حسابلنهدی و شمالدهگی قوشنی اولکهلر هم تینچسیز بولهدی.»
شو بیلن بیرگه، اسلامی امارت هردایم ایچکی مشروعیتی بولیب و تشقی مملکتلر بیلن مناسبتلری یخشی ایکنینی ایتهدی. سیاسی مسئلهلر بوییچه باشقه ایش بیلرمان فضلالرحمان اوریا نینگ ایتیشیچه، اسلامی امارت قوشنی اولکهلر نینگ باستیریب کیرمسلیگی اوچون، مملکت بوتون توپراغیدن دفاع قیلیب، ملی منفعتلری اساسیده دنیا جماعهچیلیگی و قوشنی مملکتلر بیلن مناسبتلرینی مستحکم قیلیشی کیرهک.
اونینگ کوپهیتیریشیچه، سابق دولت رسمیلریدن قطاری اوتمیش و حاضرده داعش گروهی بیلن ارتباطی بولگن و بار، آمریکا و انگلیس اولرنی حمایت قیلهدی. فضلالرحمان اوریا نینگ کوپهیتیریشیچه، داعش منطقه اولکهلرنی ناتینچ قیلیش مقصدیده سعی و حرکت قیلماقده؛ بیراق منطقه مملکتلری بوتوغریده کورهشیش اوچون افغانستاننی قوللب_قوتلشلری کیرهک.
بیزلرنینگ توییترده هم تعقیب قیلینگ!
منطقه اینیقسه افغانستان نینگ امنیتی وضعیتی بوزیلیشیدن عینحالده خواطرلر اوج آلماقده که، اوتگن نیچه کونده کابل، بلخ وقندوز ولایتلری خودکش و پارتلش قانلی واقعهلر گواهی ایدی که اوشبو هجوملر طفیلی اونلرچه تینچ اهالی اولیب یرهلندی. مذکور هجوملردن کیین، اسلامی امارت متصدیلری، بو کبی هجوملرنی آلدینی آلیب و داعش گروهی بو گَل هجوم اویوشتیره آلمسلیگیدن ایشانچ بیردیلر.