رویترز خبرگزارلیگی نینگ گزارش بیریشیچه، بیرلشگن ملتلر تشکیلاتی افغانستان ده اوز ایشلاوچی‌لری و تاسیساتی نینگ امنیتی نی تامین‌لش اوچون، اسلامی امارت ایچکی ایشلر وزیرلیگی ایشلاوچی‌لری‌گه کمیده ۶ میلیون دالر تولش نی پیشنهاد بیرگن.
رویترز قولیده‌گی سندی دن نقل قیلیب و شونینگدیک اوشبو موضوع دن آگاه‌بیر منبع نینگ ایتیشیچه، پیشنهاد بیریلگن پول کیله‌جک ییل ده اسلامی امارت گه بیریلیشی ممکن. گزارش‌ده کیلیشیچه، مذکور پول مستقیم شکلده و آیلیک دست‌مزد‌لری صفتیده بیرلشگن ملتلر تشکیلاتی نینگ تاسیساتی نی سقله‌گن اسلامی امارت کوچلری‌گه تولنیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک افغانستان سابق دولتی بیلن کیلیشوونامه اساسیده، اسلامی امارت کوچلری گه آیلیک ییمک هم یاردم بیریله‌دی. رویترز نینگ ایتیشیچه، اوشبو طرح اسلامی امارت قدرت گه ایریشیگنیدن کیین افغانستان ده تینچ‌سیزلیک دوام قیلیشی، اوشبو مملکت دن خلق ارا کوچلر نینگ چیقیشی و شونینگدیک اسلامی امارت حکومتی گه یاردم‌لر کیسیلگنی باعث بودیجه‌سی کم‌لیگی نی کورسته‌دی.
بیرلشگن ملتلر تشکیلاتی سوزلاوچی‌سی نینگ اورین باسری فرحان حق نینگ رویترز گه ایتیشیچه، مذکور تشکیلات ایش باشلیغی صفتیده، بیرلشگن ملتلر تشکیلاتی نینگ ایشلاوچی‌لری ناتینچ منطقه‌لرده ایش قیلگن بیر وضعیت ده میزبان مملکت‌لر نی کوچلنتیریش گه و ظرفیتی نینگ یوکسلتیریشی گه وظیفه‌سی بار.
رویترز نینگ قولیده‌گی سند‌لر اساسیده، ۲۰۲۲- ییلده افغانستان‌ده فعالیت قیلگن بیرلشگن ملتلر تشکیلاتی گه تیگیشلی ۲۰ نهاد آرقلی ۴ میلیون دالر، اوشبو نهاد ایشلاوچی‌لری نینگ امنیتی نی تامین‌لش اوچون تیارله‌گن.
شونینگدیک ۴ میلیون دالرنینگ بیر بویوک بولیمی آیلیک حقوق اوله‌راق ۳۱۹ الی ۲۷۵ دالر و آیلیک ییگولیک احتیاج‌لر نی تیارلش اوچون ۹۰ دالر خرجت کوتاره‌دی. مذکور پول اوتمیش‌لرده ولایت‌لرگه تولنیلردی، بیراق حاضر ایسه کابل هم شامل بولگن.
سند ده یازیلیشیچه، یوناما کمیده باشقه ۲ میلیون دالر نی «مشابه خذمت‌لر» اوچون قوشمه امنیتی بودیجه‌‌سیدن تشقری باشقه بیرلشگن ملتلر تشکیلاتی نهادلری بیلن مصرف قیلیشی ممکن. بیرلشگن ملتلر تشکیلاتی نینگ ایتیشیچه، مذکور پول مستقیم شکلده تولنه‌دی و اسلامی امارت رسمی‌لری نینگ بو توغریده هیچ قنده‌ی دخالتی بولمه‌یدی.
اسلامی امارت تشکیلاتی هنوزگه قدر بو حقده هیچ نرسه دیمه‌گنلر.
