مملکتده صراف‌لردن قطاری ایسکیرگن افغانی پول‌لر نینگ کوپه‌یگنیدن شکایت قیلیب و ایتیش‌لریچه، بازار‌ده ایسکیرگن پول‌لر نینگ کوپه‌یگنی، اولر گه کوپینچه زیان ییتیشتیرگن.
صراف‌لر نینگ ایتیش‌لریچه، ایسکیرگن پول‌لر نینگ مشتری بیلن المشتیریش جریانیده، کوپینچه قیین‌چیلیک بیلن روپه‌رو بوله‌دیلر.
بیزلرنینگ توییترده هم تعقیب قیلینگ!
اولر گه کوره، اسلامی امارت نینگ قدرت گه ایریشگنیدن بویان، ایسکیرگن پول‌لر نینگ ینگی پول‌لر گه المشتیریش پروسه‌سی ملی بانک و مرکزی بانک تامانیدن توخته‌تیلگن.
صراف‌لردن بیری محب‌الله نینگ ایتیشیچه: «بیزلر پول نی مشتری‌لر گه بیرسه‌ک، ایسکیرگن پول دیب آلمه‌یدیلر.»
باشقه بیر تامان‌دن، یشاوچیلردن قطاری نینگ سلام‌وطندار گه ایتیش‌لریچه، مملکت بانک‌لری اهالی گه ایسکیرگن پول ترقه‌تدی، لیکن اونینگ قیته آلمه‌یدی.
اولر اسلامی امارت‌دن ایسکیرگن پول‌لر نینگ توپلب و اونینگ اورنیده ینگی پول‌لر نینگ بازار گه عرضه قیلیش‌لری نی ایسته‌یدیلر.
مملکت یشاوچیلریدن نصیر‌احمد نینگ ایتیشیچه: «سرای نینگ ایچیده و سرای‌دن تشقی ایسکیرگن پول‌لر کوپه‌یگن دیر و بو مسئله اهالی نی کوپ قیین‌چیلیک بیلن روپه‌رو قیلگن.»
شونینگدیک یشاوچیلردن باشقه بیری نورالله نینگ ایتیشیچه: «اسلامی امارت بو قیین‌چیلیککه توجه قیلیب و دنیا جماعه بیلن رابطه‌سی نی توزه‌تیشی کیره‌ک چونکه دنیا جماعه‌سی بیلن رابطه‌لری یخشی بولمه‌گن صورت‌ده، ایسکیرگن پول‌لر خصوصیده‌گی قیین‌چیلیک حل بولمه‌یدی.»
بیزلرنینگ فیسبوک صحیفه‌میزگه باش اورینگ!
بو توغریده مرکزی بانک نینگ فکری نی آلیش ایسته‌یدیک؛ بیراق کیین‌مه کیین قونقیراغ بیلن موفق بولمه‌دیک.
ایتیش کیره‌ک که، اسلامی امارت نینگ قدرت گه ایریشگنیدن بویان، بازار‌ده ایسکیرگن پول‌لر کوپه‌یگن دیر، لیکن اسلامی امارت بو قیین‌چیلیک نینگ حل قیلینیشی اوچون هیچ بیر ایش انجام بیرمه‌گن.
