کابل بوییچه آمریکا سابق ایلچی‌سی هوگو لورنس نینگ ینگی‌لیکده ایتیشیچه، اوشبو مملکت افغانستان گه بیرگن وعده‌لریگه عمل قیلمه‌گن. جناب لورنس نینگ اورغولشیچه، آمریکا قوشمه ایالتی افغانستان و اوشبو مملکت یشاوچی‌لریگه خیانت قیلگن که بو کیچیریلمه‌یدیگن بیر جنایت دیر.
کابل بوییچه آمریکا سابق ایلچی‌سی نینگ کوپه‌یتیریشیچه، آمریکا سابق جمهور رئیسی دونالد ترامپ نینگ افغانستان خصوصیده ناتوغری قراری و اوندن کیین ترامپ ماموریتی حاضرگی جمهور رئیس جوبایدن تامانیدن دوام قیلگنی، محمداشرف غنی رهبرلیگیده‌گی دولت نینگ سقوط قیلیشی و افغانستان نینگ نابیللی بیر تقدیر بیلن روپه‌رو بولیشی گه سبب بولگن.
عین حالده، مذکور آمریکالیک سابق دیپلماتی افغانستان ده سونگی ایکی دهه‌ده‌گی یوتوقلر نینگ نابود بولیشی نی ناامید قیلووچی دیب و بو حقده آمریکا رسمی‌لری نی مسئول دیگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بوندن آلدین آمریکا سابق جمهور رئیسی دونالد ترامپ فاکس‌نیوز بیلن اوتکزگن اوچره‌شووده ایتگن ایدی که اوشبو مملکت نینگ افغانستان‌دن چیقیشی آمریکا تاریخیده شرملی بیر صحیفه ایدی. اونگه کوره، بولرنینگ مسئولی مذکور مملکت نینگ حاضرگی جمهور رئیسی جوبایدن دیر.
کابل بوییچه آمریکا سابق ایلچی‌سی بونده‌ی بیانات بیرگن بیرحالده، آمریکا و ناتو کوچلری افغانستان دن چیقیشی بیلن، بو مملکت نابیللی بیر وضعیت گه قرار تاپگن.
