افغانستان، چین و پاکستان تشقی ایشلر وزیرلری، مذکور مملکتلر آره‌سیده‌گی ۴- اوچ تامانلمه ییغینده، تیزلیککه آتیش کیسین اعلام ایتیلیشی، معنالی سوزلشوولر باشله‌نیشی و افغانستان و منطقه‌ده دایمی تینچلیک تأمین ایتیلیشی نی سوره‌شگن.
مذکور ییغینده اوچ مملکت تشقی ایشلر وزیرلری، افغانستانلیکلر رهبرلیگیده اوروش نی تینچ بیر شکلده حل ایتیلیشی اوستیگه اورغوله‌گن.
افغانستان، چین و پاکستان تشقی ایشلر وزیرلری نینگ ۴- ییغینی، اوتگن کون )پنج‌شنبه ۱۳- جوزا( چین میزبانلیگی بیلن مجازی شکلده یولگه قوییلدی.
مملکت تشقی ایشلر وزیرلیگی نینگ اعلام قیلیشیچه، اوچ تامان افغانستان ده دایمی تینچلیک و برقرارلیک تأمین ایتیلیشی، ترورچیلیک قرشی قوشمه کوره‌ش، کووید ۱۹ گه قرشی کوره‌شیش و منطقه نی اولشتیریش اوچون همکارلیکلرنی کوچلنتیریش خصوصیده قوشمه بیر اعلامیه صادر قیلگن.
بیزلرنینگ فیسبوک صحیفه‌میزگه هم باش اورینگ!
تشقی ایشلر وزیرلیگی نینگ خبرنامه‌سیده کیلیشیچه، پاکستان تشقی ایشلر وزیری شاه محمود قریشی، افغانستان اوروشی نینگ حربی ییچیم یولی یوق دیب و اسلام‌آباد سوزلشوولر و سیاسی ییچیم یوللر بیلن بو بحران حل ایتیلیشی اوچون حمایت قیله‌دی.
تشقی ایشلر وزیرلیگی نینگ ایتیشیچه، اوچ تامان بیرلشگن ملتلر تشکیلانی نینگ خوفسیزلیک کینگشی نی ۲۵۱۳ کیسین‌نامه‌سی اوستیگه اورغولش بیلن افغانستان ده اسلامی امارت قیته قوریلیشی دن حمایت قیلمه‌سلیکلرینی بیلدیریشگن.
بیزلرنینگ توییترده هم تعقیب قیلینگ!
شونینگدیک اوچ مملکت تشقی ایشلر وزیرلری، ترورچیلیک، خلق‌ارا ریجه‌لنگن جرم‌لر و کرونا ویروسی گه قرشی قوشمه کوره‌شیش گه تأکید قیلیب و قوشمه قیینچلیکلر رفع ایتیلیشی و منطقه ده تینچلیک و برقرارلیک تأمین ایتیلیشی گه بیرلشگن ملتلر تشکیلاتی و شانگهای همکارلیک تشکیلاتی نینگ نقشی نی اونملی دیگن.
اوچ تامان ترورچیلیککه قرشی تبعیض‌سیز کوره‌شیش اوستیگه اورغوله‌گن.
تشقی ایشلر وزیرلیگی اوشبو قوشمه اعلامیه نی خوش قرشی‌لب ایتیشیچه، افغانستان سیاسی بیر ییچیم یول تاپیش و تینچلیک نی معنالی سوزلشوولری باشله‌نیشی گه سوز بیریب و بو اعلامیه نینگ چارچوبه‌سیده، بیریلگن وعده‌لر عمل گه آشیریلیشی اوستیگه اورغوله‌یدی.
