حزبالله لبنان، اسرائیل کیتمه-کیت آتیش کیسیننی بوزگنلیگی اوچون، بو مملکتنینگ شمالی حدودلرینی نشانگه آلگنینی بیلدیردی.
اوشبو حزب، بوگون (۲۴ حمل/۱۳ اپریل، دوشنبه) بامداد پیتی، اسرائیل شمالی حدودلریده جایلشگن «کریات شمونا» شهرینی راکته بیلن نشانگه آلگنینی معلوم قیلگن.
حزبالله لبنان گه کوره، اوتگن بیر کون ایچیده اسرائیل شمالی و لبنان جنوبی حدودلریده حربی آست قوریلمهلر، شهرچهلر، پایگاهلر گه قرشی ۴۳ ته هجوم اویوشتیرگن.
بو حزب، اسرائیل و امریکانینگ لبنان یشاوچیلریگه هجوملری توختمهگونچه اسرائیل گه قرشی هجوملریگه دوام ایتتیریشینی ایتگن.
حزبالله و اسرائیل آرهسیده اوروش، میلادی ۲۰۲۶ ییل، ۲۸ فبرور کونی ایران بیلن امریکا و اسرائیل اورتهسیده اوروش باشلنگنیدن سونگ باشلندی و حاضرگچه دوام ایتماقده.
