۴۰۰ مینگ دالرلیک ۱۲ تُن جلغوزه مغزی بیرینچی یوکی، هرات دن آلمان گه صادر بولدی.
هرات محلی مسئوللری نینگ ایتیشلریچه، جلغوزه مغزی بوگون (یکشنبه، ۸ عقرب)، اوشبو ولایت نینگ سرمایه یاتقیزیش و سوداگرلیک اتاقی اویغونلیگی بیلن «محمود اکرمی» سوداگرلیک شرکتی تامانیدن اسلامقلعه چیگرهسی آرقهلی، آلمان گه صادر ایتیلگن.
هرات ده «محمود اکرمی» سوداگرلیک باشلیغی هادی اکرمی، اوشبو یوکنی صادر ایتیش چاغیده ایتیشیچه، اولر جلغوزهنی جلالآباد دهقانلریدن ساتیب آلیب و هرات ده یوقاری کیفیت بیلن بستهبندلیک قیلیب و اروپا گه صادر قیلهدیلر.
بیزلرنینگ فیسبوک صحیفهمیزگه باش اورینگ!
جناب اکرمی نینگ کوپهیتیریشیچه: «بو مرته یوقاری کیفیت و عالی پکیج تیارلهدیک و برچه جلغوزه محصولاتلرینی خلقارا معیارلر و اوسکونه بیلن مغز بولیب و آلمان گه یوبارهمیز.»
سوداگرلیک فیرمه باشلیغی«محمود اکرمی» گه کوره، اوشبو شرکت ده ۱۵۰ کیشی ایش بیلن مصروف دیر، اولر نینگ ۱۱۰ نفرینی عیاللر تشکیل بیرهدی.
عینحالده، مملکت غرب حوزهسیده صادر قیلووچیلر اتفاقی مسئولی مهدی اکرمی نینگ ایتیشیچه، ۴۰۰ مینگ دالرلیک جلغوزه مغزی، اروپا گه یوباریلگن.
بیزلرنینگ توییترده هم تعقیب قیلینگ!
جناب اکرمی گه کوره، غرب حوزهسی صادر قیلووچیلر اتفاقی، ییلیده ۲۵۰ میلیون دالرلیک تجارتی توارلرنی چیت ایل گه صادر قیلهدی.
باشقه تاماندن، هرات سرمایه یاتقیزیش و سوداگرلیک اتاق باشلیغی بشیرمحمد سیرت، مملکت سوداگرلریدن حمایت بیلدیریش گه قوشیمچه ایتیشیچه، مملکت اقتصادی کوچلنیشی و ایکینچیلیک محصولاتلرنی اروپا و آسیا مملکتلری گه صادر قیلیش مقصدیده سعی و حرکت قیلماقدهلر.
هرات سرمایه یاتقیزیش و سوداگرلیک اتاق مسئوللری گه کوره، مذکور ولایتده ۱۲۰ صادراتی شرکت موجود، حاضر ایریم ساحهلرده فعالیت قیلماقدهلر.