کاپیسا ولایتی کابل نینگ شمالی‌ده جایلشگن ایکینچیلیک ولایت‌لردن دیر که جلغوزه نینگ اوسیشی اوچون مناسب هوا گه ایگه دیر. اوشبو ولایت نینگ آله‌سای و نجراب تومنی کوپینچه جلغوزه اورمان‌لری گه صاحب بولگنی اوچون مذکور ولایت نینگ شهرتی نی کوپه‌یتیرگن دیر.
اوشبو ولایت ایکینچیلیک، چاروه‌چیلیک و سووغاریش ریاست مسئوللری نینگ ایتیش‌لریچه، اوتمیش ییل گه قره‌گنده بو ییل جلغوزه حاصلاتی کوپه‌یگن دیر، لیکن جلغوزه نینگ توپلنیش موسومی‌ده بازار یوقلیگی سبب اورمان‌دارلردن قطاری شکایت قیلگنلر.
بیزلرنینگ توییترده هم تعقیب قیلینگ!
اولر نینگ ایتیش‌لریچه، مذکور محصول افغانستان نینگ اوز کمپنی‌لریده پروسس و بسته‌بندی بولیب و شونینگدیک اونینگ فایده‌سی‌دن کوپینچه‌سی ینه اوز مملکتی‌میز گه کیله‌دی.
اوشبو ولایت نجراب تومنی‌ده جلغوزه اورمان‌دارلردن رحم‌الدین صمدی نینگ سلام‌وطندار گه ایتیشیچه: «نجراب تومنی نینگ یشاوچیسی‌مین. دولت‌دن اوشبو محصوللر نینگ مملکت‌دن تشقی گه صادر بولیشی جریانیده، افغانستان اسمی گه صادر بولیشی کیره‌ک. چونکه افغانستان نینگ جلغوزه‌سی پاکستان اسمی بیلن صادر بولده‌دی.»
شونینگدپیک نجراب تومنی‌ده جلغوزه اورمان‌دارلردن باشقه بیری نصیر صمدی نینگ سلام‌وطندار گه ایتیش‌لریچه: «سوداگرلیک و ایکینچیلیک وزیرلیگی‌دن دهقان‌لر نینگ محصول‌لری نی مناسب بیر بها بیلن دهقان‌لریمیز‌دن توپله‌سین‌لر که، اولر بیراز خورسند بولسین‌لر. ایکینچیلیک وزیرلیگی جلغوزه درحت‌لری نینگ یخشی‌لنیشی اوچون کوپراق سعی و حرکت قیلیشی کیره‌ک.»
شونده‌ی بیرحالده، کاپیسا ولایتی نینگ ایکینچیلیک، سووغاریش و چاروا‌چیلیک ریاست رئیسی مولوی روح‌الله روحانی نینگ سلام‌وطندار گه ایتیشیچه، کاپیسا ولایتی نجراب و آله‌سای تومن‌لریده ۸۴۰ هکتار جلغوزه اورمان‌لری گه ایگه دیر.
جناب روحانی نینگ کوپه‌یتیریشیچه، اوتمیش ییل‌لرده اوشبو ولایت اورمان‌لریدن ۳۶۵ متریک تُن جلغوزه قولگه کیله‌ر ایکن که، جاری ییل‌ده اوشبو رقم ۵۰۰ متریک تُن گه ییتیشیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک کاپیسا ایکینچیلیک، سووغاریش و چاروه‌چیلیک ریاست رئیسی نینگ اورغولشیچه، اوتمیش ییل‌لرده جلغوزه پاکستان گه سوداگرلر آرقه‌لی قاچاق بوله‌ر ایدی و شونینگدیک پاکستان مملکتی اوشبو محصول نی اوز اسمی گه عربی بیرلشمه اماراتی، چین، هند و باشقه مملکت‌لر گه صارد قیله‌ر ایدی.
اونینگ اورغولشیچه، اوتمیش ییل ۱سیر جلغوزه نینگ قیمتی ۱۳ الی ۱۵ مینگ افغانی ایدی که مملکت‌دن تشقی گه هوایی دهلیزلر آرقه‌لی صادر بوله‌ر ایدی.
بو توغریده روحانی نینگ ایتیشیچه: «دهقان‌لر و کاپیسا ملتی اسلامی امارت حکومتی‌دن جاری ییل‌ده جلغوزه حاصلاتی نینگ یخشی ساتیلیشی اوچون مناسب بازار و کاپیسا اقتصادی نینگ ترقیاتی و مناسب سوداگرلیک اوچون همکارلیک قیلیشی کیره‌ک که، کاپیسا جلغوزه حاصلاتی یخشی قیمت گه عرضه بولسین.»
عین حالده، پروان بیلیم یورتی ایکینچیلیک فاکولته‌سی نینگ اوقیتووچیسی احمد‌زبیر قاضی‌زاده نینگ ایتیشیچه، جلغوزه تاغ‌لر گه چیقه‌دیگن طبیعی اوسیم دیر. او، دهقان‌لردن اوشبو محصول نینگ درست شکلده ساتیلیشی اوچون انجمن‌لر و بیرلشمه‌لر ایجاد قیلیش‌لری نی سوره‌گن.
گرچند اوشبو ولایت‌ده جلغوزه پروسسی سنتی شکلده صورت تاپیب و کوپینچه قیین‌چیلین بیلن روپه‌ره دیر، لیکن سونگی ییل‌لرده جلغوزه سوداگرلری اوشبو محصوللر نی پروسس بولمه‌سدن باغدارلر یانیدن ساتیب آله‌دیلر. چین و باشقه بیر قطار مملکت‌لر گه هوایی دهلیزلر آرقه‌لی جلغوزه صادراتی نینگ باشلنگنی بیلن، شونینگدیک اوشبو محصول قیمتی هم قویی کیلگن.
