خوست ده جلغوزه سوداگرلریدن قطاری نینگ ایتیش‌لریچه، اسلامی امارت نینگ قدرت گه ایریشگنیدن کیین، مملکت‌دن تشقی گه جلغوره صادراتی توخته‌گن که اونینگ نتیجه‌سیده، اولر نینگ آمبار بولگن جلغوره‌لری خراب بولیب و اولر گه میلیون‌لر افغانی خساره ییتیشگن.
اولر نینگ کوپه‌یتیریش‌لریچه، خوست سوداگرلری نینگ کمیده ۳ مینگ بوجی جلغوزه‌لری آمبار‌ده قرار تاپگن که، هر بیر ۲۰ بوجی‌دن ۲ بوجی‌سی خراب بولگن. اولر گه کوره، اسلامی امارت باشقه مملکت‌لر بیلن جلغوزه‌لری نینگ ساتیلیشی اوچون قرارداد قیلمه‌گنی صورت‌ده، قالگن جلغوزه‌لر خراب بولیب که نتیجه‌ده، سوداگلر گه کوپینچه مالی زیان ییتیشیشی ممکن.
بیزلرنینگ توییترده هم تعقیب قیلینگ!
خوست ده جلغوزه سوداگلریدن بیری پادشاه نینگ ایتیشیچه: «جلغوزه‌لردن کوپ مقداری خراب بولگن. هر بیر سوداگردن ۲۰ الی ۵۰ بوجی جلغوزه بار که بو مقداردن ۳ الی ۴ بوجی‌سی خراب چیقه‌دی. هوا ایسیق و شونینگدیک جلغوزه‌لر نینگ سقلش اوچون موز‌خانه‌میز هم یوق.»
اولر گه کوره، پکتیا و خوست ده جلغوزه سقلش اوچون یاغیز بیر موز‌خانه موجود که ییترلی ایمس. شونده‌ی بیرحالده، خوست محلی مسئوللری نینگ ایتیش‌لریچه، اسلامی امارت نیچه مدت آلدین چین مملکتی بیلن جلغوزه ساتیش اوچون اوچ آیلیک قرارداد امضا قیلگن ایدی، لیکن سوداگرلر کوپراق فایده آلیش اوچون توارلری نی وقتی‌ده چین گه یوبارمه‌دیلر.
خوست معلومات و مدنیت ریاست رئیسی بشیر‌احمد عثمانی نینگ ایتیشیچه: «سوداگرلیک اوچون اولر گه یول نی آچگن ایدی، اولر اوچون قرارداد هم قیلگن ایدی و رهنمالیک هم قیلینگن ایدی. لیکن مذکور کیشی‌لر کیله‌جک‌ده جلغوزه قیمتی یوقاری کیته‌دی دیب، جلغوزه‌لری نی ذخیره قیلگن ایدیلر. اولر نینگ مال‌لریدن کوپینچه‌سی خراب بولگن، قنچه‌سی خراب بولگن اونی بیلمه‌یمن؛ بیراق برچه‌سی نینگ مالی خراب بولمه‌گن.»
بیزلرنینگ فیسبوک صحیفه‌میزگه باش اورینگ!
خوست معلومات و مدنیت ریاست رئیسی گه کوره، سوداگرلیک و صناعت وزیرلیگی جلغوزه نینگ ساتیلشی اوچون تشقی مملکت‌لر بیلن قرارداد قیلیش خصوصیده سعی و حرکت قیله‌دی. جلغوزه خوست، پکتیا و پکتیکا ولایت‌لری نینگ اونملی محصوللریدن دیر، بیراق اوشبو ولایت یشاوچیلری نینگ ایتیش‌لریچه، اوتمیش ییل‌لرده اولر گه کوپینچه توجه صورت تاپمه‌گن.
