قندهارده سوداگرلردن بیرقطاری نینگ ایتیشلریچه، سپین‌بولدک قتناو یولیده قیینچیلیک کوپه‌یشی باعث، اوشبو یول‌ده تجارت ۵۰ فایز کمه‌یگن. اولر گه کوره، سپین‌بولدک قتناو یولیده سوداگرلردن سالیق آلیش‌گه علاوه، ایریم بهانه‌لر بیلن اولردن پول آلینه‌دی و یوک تاشووچی موترلر اوچون ترانسپورت ریاستی تامانیدن شماره ایجاد بولگن و هر موتر نوبتیده سوداگرلر مالینی یوکلش‌گه مجبور دیر.
سوداگرلر نینگ ایتیشلریچه، افغانستان و پاکستان حکومت‌لری تامانیدن ایریم تجاری ایشلرگه چیکلاو یره‌تیلگن که نتیجه‌ده، سوداگرلر کوپ قیینچیلیککه روپه‌رو بولگن‌لر. مذکور سوداگرلردن بیری صلاح‌الدین نینگ سلام‌وطندارگه ایتیشیچه، افغانستان و پاکستان حکومتی تامانیدن اولرگه قیینچیلیک یره‌تیلگن.
بیزلرنینگ فیسبوک صحیفه‌میزگه باش اورینگ!
قندهارده سوداگرلردن باشقه بیری گل‌محمد اوشبو قیینچیلیکلرنی تصدیقلب ایتیشیچه، اوشبو یول‌ده تجارتی باعث ایریم قیینچیلیکلر گه روپه‌رو بولگن. اونگه کوره، بو یول‌دن تجارتی توارلرنی وارد قیلیش اولر گه قیمت توشه‌دی که نتیجه‌ده واردات کمیه‌دی. اونینگ کوپه‌یتیریشیچه، جنوبی ۱۰ ولایتده تجارت سطحی کمه‌یگن.
شو بیلن بیرگه قندهار سوداگرلیک اتاق مسئول‌لری نینگ ایتیشلریچه، اوشبو یول‌ده سوداگرلر اونگیده‌گی اساسی قیینچیلیک پاکستان دیر. قندهار سوداگرلیک و سرمایه یاتقیزیش اتاق اورین باسری عبدالباقی بینا نینگ سلام‌وطندار گه ایتیشیچه، اسلامی امارت حاکم بولیشیدن بویان، سوداگرلر نینگ قیینچیلیکلری کوپه‌یگن.
بیزلرنینگ توییترده هم تعقیب قیلینگ!
باشقه تاماندن قندهار باجخانه باشلیغی جارالله آغا گه کوره، اکثر قیینچیلیکلر پاکستان تامانیدن یره‌تیله‌دی، لیکن قندهارده‌گی موجود قیینچیلیکلرنی حل قیلیش مقصدیده تلاش قیلماقده‌لر. اونینگ ایتیشیچه، پاکستان سپین‌بولدک قتناو یولیدن تجارت کمه‌یب و باشقه یول‌لرده کوچه‌یتیریلیشنی ایسته‌یدی.
ایتیش کیره‌ک که، سپین بولدک-چمن۲۴ ساعت‌ده یالغیز ۱۲ ساعت تجارتی مال‌لر یوزی گه آچیق دیر.
