افغانستان سوداگرلیک و سرمایه یاتقیزیش اتاقی مسئوللری نینگ ایتیشلریچه، مذکور مملکت نینگ قریب ۶۰ تُن جلغوزه‌سی، ۴ میلیون دالر ارزشی بیلن هوایی دهلیز آرقه‌لی چین گه صادر بولگن.
اولر مذکور معلومات‌لر نی بوگون (یکشنبه، ۱۶-میزان)، کابل هوا قونالغه‌سیده «کابل-شانگهای هوایی دهلیزی آچیلیشی» اسمی آستیده یولگه قوییلگن خبری بیر ییغین‌ده، ارائه قیلگنلر.
بیزلرنینگ فیسبوک صحیفه‌میزگه باش اورینگ!
افغانستان سوداگرلیک و سرمایه یاتقیزیش اتاقی اورین‌باسری محمد‌یونس مهمند نینگ ایتیشیچه: «افغانستان دن هوایی دهلیز یولی آرقه‌لی جلغوزه نینگ انتقال بیریلیش اوچینچی ییلی دیر و هم‌کاری‌میز بولگن خصوصی هوایی شرکت‌لردن منت‌دارلیک قیله‌میز. بوگون قریب ۶۰ تُن دیر و هر تُنی بیر لک/۱۰۰ مینگ دالر و اونینگ توپلم ارزشی تورت میلیون دالر دیر.»
شونده‌ی بیرحالده، اسلام امیرلیگی مسئوللری نینگ ایتیشلریچه، مملکت سوداگرلری گه هوایی دهلیز یولی آرقه‌لی کوپراق آسایشته‌لیک یره‌تیلیشی نی نظر گه آلگنلر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی باش وزیرلیگی نینگ اقتصادی ایشلری بوییچه اورین‌باسری عبدالغنی برادر، مملکت‌دن تشقی‌ده بولگن ایچکی سوداگلردن، سرمایه‌لری نی قیته افغانستان گه انتقال بیریب و مملکت ایچیده سرمایه یاتقیزیشلری نی ایسته‌گن. اونینگ کوپه‌یتیریشیچه: «تشقی مملکت‌لرده حیات کیچیره‌دیگن سوداگرلر، افغانستان گه قیتسینلر و اوز مملکت‌لریده سرمایه یاتقیزسینلر؛ چونکه اهالی گه ایش زمینه‌سی ایجاد بولسین.»
افغانستان سوداگرلیک و سرمایه یاتقیزیش اتاقی مسئوللری گه کوره، اوشبو اتاق اوتگن بیر ییل‌ده ایچکی محصول‌لر اینیقسه جلغوزه، ایکی میلیارد دالر ارزشی بیلن تورلی یول‌لردن تورلی مملکت‌لر گه صادر بولگن دیر.
