د پاکستان د مشرانو جرګې غړیو پرون په کورنیو ټاکنو کې د دغه هېواد پخوانی لومړی وزیر یوسف رضا ګیلاني د خپل مشر په توګه ټاکلی دی.
د سلاموطندار پښتو فېسبوکپاڼه وڅارئ
اېکسپرېس ټرېبیون لیکلي چې ګیلاني پرون (د اپرېل نهمه، د سهشنبې ورځ) د ۴۱ مثبتو رایو په ګټلو سره د مشرانو جرګې د رییس په توګه ټاکل شوی دی.
دغې رسنۍ زیاته کړې چې د مسلم لیګ نواز ګوند غړی سیدالخان ناصر د پاکستان د مشرانو جرګې مرستیال ټاکل شوی دی.
بلهخوا د عمرانخان په مشري د تحریک انصاف ګوند غړیو د مشرانو جرګې د خپلمنځي ټاکنو پر وړاندې اعتراض کړی او د دې جرګې لپاره د رییس او مرستیال ټاکلو بهیر یې ناقانونه بللی دی.
د پاکستان ټولټاکنې د روان زېږدیز کال د فبروري میاشتې په اتمه نېټه وشوې چې د تحریک انصاف ګوند پهکې تر نورو ګوندونو مخکښ و، خو د اصفعلي زرداري او نوازشریف په مشري دوو ګوندونو ګډ اېتلاف جوړ او حکومت یې اعلان کړ.
د دغو دوو ګوندونو له اېتلاف وروسته شهباز شریف د پاکستان د لومړي وزیر او اصفعلي زرداري هم د ولسمشر په توګه وټاکل شول.
