د کاپیسا د امنیې قومنداني مسوولان وايي چې د یاد ولایت د «کوهستان دویمې حصې» ولسوالي کې ناپېژنده وسلهوالو یو دیني عالم وژلی دی.
وژل شوی دیني عالم سراجالحق نومېږي او د یاد ولایت د «کوهستان دویمې حصې» ولسوالي د کیشکتان کلي اوسېدونکی و.
د کاپیسا د امنیې قومندان ویاند عبدالفتاح فایز سلاموطندار ته ویلي، دغه دیني عالم پرون یکشنبه د سلواغې دویمه د ماسختن لمانځه څخه وروسته له خپل زوی سره کور ته پر لاره و چې د ناپېژنده وسلهوالو له لوري وژل شوی دی.
د فایز په وینا، وژل شوی دیني عالم د «مولوي جلالالدین شهید» په نوم د یوه ښوونځي ښوونکی هم و.
سلاموطندار پر ټویټر هم وڅارئ
د کاپیسا د امنیې قومنداني ویاند د یاد دیني عالم د زوی په اړه څه نه دي ویلي، خو ټينګار کوي چې د اسلامي امارت ځواکونو د پېښې په تړاو پلټنې پیل کړي دي.
