د ماشومانو لپاره د ملګروملتونو ملاتړې ادارې «یونېسف» ویلي چې روان میلادي کال ۱۲ میلیونه ماشومان په افغانستان کې مرستو ته اړتیا لري.
یونېسف نن جمعه، غبرګولي نهمه، په یوه راپور کې ویلي چې افغانستان د نړۍ دویم هېواد دی چې اوسېدونکي یې بشرپاله مرستو ته اړمن دي.
په راپور کې ویل شوي چې د افغانستان نږدې نیمايي وګړي ۲۲ میلیونه او ۹۰۰زره کسان روان ۲۰۲۵کال مرستو ته اړتیا لري.
یونېسف زیاته کړه چې د پنځو کلونو څخه کم عمرلرونکي ۸۵۷۰۰۰ ماشومان پر سختې خوارځواکۍ اخته دي او بېړنۍ درملنې ته اړتیا لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په راپور کې دا هم ویل شوي چې له پاکستان څخه د افغان کډوالو په لویه کچه راستنیدو په افغانستان کې بشري اړتیاوې زیاتې کړې دي.
د یونېسف په وینا، د ۲۰۲۳کال د سپتمبر څخه تر ۲۰۲۵ کال پورې له یو میلیون څخه ډېر خلک افغانستان ته راستانه شوي چې نږدې دوه پر درېیمه برخه یې ماشومان دي.
سره له دې چې په افغانستان کې د اړتیا کچه لوړه ده، ملګروملتونو مخکې ویلي وو چې دوی د اړو کسانو سره د مرستې لپاره د بودیجې له سخت کمښت سره مخ دي.
