د غزني امنیتي مسوولان وايي چې په دغه ولایت کې د یوه کور چت را پرېوتی او له کبله یې درې ښځې مړې شوي او یو ځوان سخت ټپي شوی دی.
د سلاموطندار پښتو فېسبوکپاڼه وڅارئ
د غزني د امنیې قومانداني ویاند خالد سرحدي سلاموطندار ته ویلي چې دا پېښه نن (د زمري څوارلسمه، د شنبې ورځ) د دغه ولایت د آببند ولسوالي په چوره سیمه کې شوې ده.
د هغه په وینا، دغو ښځو د «ګنبدو لرونکو» کور بام کاګل کاوه چې چت یې لوېدلی او دوی ته یې مرګژوبله اړولې ده. نوموړی زیاتوي چې په یاده پېښه کې درې ښځې مړې شوي او یو ځوان سخت ټپي شوی دی.
د یادونې ده چې تر دې مخکې هم په یوشمېر ولایتونو کې ورته پېښې شوي او له کبله یې یوشمېر هېوادوالو ته مرګژوبله اوښتې ده.
