د ننګرهار سپین غر ولسوالي کې محلي سرچينې سلاموطندار ته وايي چې د دې ولسوالي په شډل سیمه کې د امنیتي ځواکونو او عامو خلکو ترمنځ نښته رامنځته شوې ده.
د سرچینې په وینا، دغه نښته نن له غرمې مخکې هغه مهال رامنځته شوه چې امنیتي ځواکونو په شډل سیمه کې د خلکو کرل شوي کوکنار لهمنځه وړل.
د یادې سیمې اوسېدونکو بیا ویلي چې د نښتې پرمهال خلکو ته مرګژوبله هم اوښتې؛ خو د کره شمېر په اړه یې څه نه وايي.
د ننګرهار امنیتي مسوولانو تراوسه په دې اړه څه نه دي ویلي.
دغه نښته داسې مهال رامنځته کېږي چې د ا.ا د مشر د فرمان له مخې، هېواد کې د نشهيي توکو کښت، تولید او قاچاق منع کړل شوی دی.
سلاموطندار پر ټویټر هم وڅارئ
په دغه فرمان کې امنیتي ځواکونو او اړوند ادارو ته امر شوی چې هېواد کې د تریاکو او نورو نشهيي توکو د کښت مخه ونیسي چې دغه چاره په بېلابېلو ولایتونو کې روانه ده.
