د ملګرو ملتونو عمومي مجمع د یوه پرېکړهلیک په تصویبولو سره په دغه سازمان کې د یوه خپلواک هېواد په توګه د فلسطین بشپړ غړیتوب ته مثبته رایه ورکړه.
د سلاموطندار پښتو فېسبوکپاڼه وڅارئ
دغه سازمان په خپل پرېکړهلیک کې لیکي چې فلسطین د ملګرو ملتونو سازمان د غړیتوب وړتیا لري او له امنیت شورا یې غوښتي چې د فلسطین غوښتنه بیا هم وارزوي.
د یاد پرېکړهلیک مسوده چې د فلسطین او یوشمېر نورو هېوادونو له لوري وړاندې شوی و، ۱۴۳ هېوادونو مثبته رایه ورکړه، خو نهو مخالفه او ۲۵ هم ممتنع رایه ورکړه.
فلسطین داسې مهال د یوه خپلواک هېواد په توګه پېژندل کېږي چې لومړی د ملګرو ملتونو امنیت شورا د دغه هېواد له غوښتنې سره هوکړه وکړي.
په ملګرو ملتونو کې د فلسطین د غړیتوب لپاره داسې مهال هڅې روانې دي چې په غزه کې له څه باندې اوو ورځو راهیسې جګړه روانه ده او د نړۍ پام یې ځان ته را اړولی دی.
