بدخشان کې محلي مسوولان وايي چې د ياد ولايت مايمي ولسوالۍ د طالبانو لاس ته پرېوته. د مايمي ولسوال کامبېز قرباني ياد خبر تاييد کړی دی.
د بدخشان له مايمي ولسوالۍ يوه سرچينه سلاموطندار ته وايي، طالبانو د مايمي ولسوالۍ امنيې قومندان، د ملي امنيت مدير، جنايي مدير او يو شمېر امنيتي ځواکونه وژلي دي.
سرچينې زياته کړه چې يو شمېر امنيتي ځواکونه لا هم طالبانو سره په نښته بوخت دي؛ خو د ولسوالۍ بيا نيولو لپاره کافي تجهيزات نهلري.
د بدخشان د ولايتي شورا غړی احمد جاوېد مجددي هم وايي، د يادې ولسوالۍ امنيې قومندان او د امنيت مدير د طالبانو په بريدونو کې وژل شوي دي.
د ياد ولايت د امنيې قومندانۍ وياند ثناالله روحاني د امنيتي ځواکونه وژل تاييدوي خو د مرګژوبلې د شمېرو په اړه څه نه وايي.
نوموړي د مايمي ولسوالۍ د امنيې قومندان وژل کېدل شايعه وګڼله.
مايمي ولسوالۍ له څه مودې راهيسې د طالبانو له لوري کلابنده شوې وه.
