د غور د تيورې ولسوالۍ یو شمېر اوسېدونکي او امنیتي مسوولان دغې ولسوالۍ کې ترینګلي امنیتي وضعیت او یو په بل پسې د ځینو سیمو او د امنیتي پوستو سقوط څخه اندېښنه ښيي او وايي، که چېرې دولت ورته جدي پام ونه کړي، دغه ولسوالۍ به د طالبانو لاس ته ولوېږي.
د يادې ولسوالۍ اوسېدونکي وايي، طالبانو خپل غوځښتونه زیات کړي او له هوايي ځواکه غواړي چې په اړه يې بېړنی ګام پورته کړي.
په غور ولایت کې یو شمېر هغه سرتېري چې له وسلهوالو طالبانو سره په جګړه کې ټپیان شوي، د جګړې له ډګرونو د ټپیانو او مړو د نه لېږد څخه له سیمهییز او د حکومت له مرکزي ادارې په نیوکې سره وایي، په اوونيو اوونيو د جګړو په سنګرونو کې د سرتېرو مړي پاتې کېږي او څوک نشته چې يا يې روغتون او یا يې هم کور ته ولېږدوي.
کندوز کې یوه امنیتي سرچینه چې نه غواړم نوم یې خپور شي وايي، د ياد ولايت له نشهيي توکيو سره د مبارزې مدیر د بډو اخیستو په تور ونیول شو.
په هرات کې محلي سرچینې په یاد ولایت کې د طالبانو له يوه مرکزه د ایراني نظامي تجهیزاتو او د ياد هېواد د سپاه پاسدارانو نظامي جامې کشف کړي دي.
دغو سرچینو چې نه یې غوښتل راپور کې يې نوم خپور شي سلاموطندار ته وويل، دغه تجهيزات او د سپاه پاسداران نظامي جامې د ادرسکن ولسوالۍ اړوند «موسی خېلو» سيمه کې د طالبانو د يوه قومندان «ملاتورجان» په قرارګاه کې د امنيتي ځواکونو په ځانګړو عملياتو کې کشف شوي.
د هېواد د لوېدیځ زون د عالمانو شورا د «سوله او اوربند غواړو» تر نامه لاندې په جوړې شوې غونډه کې له امنیتي ځواکونو او اوسني نظام څخه د ملاتړ ترڅنګ وايي، د هېواد اوسنی نظام شرعي او اسلامي دی چې دیني عالمان ترې ملاتړ کوي.
افغانستان کې نن د کورونا واکسین د تطبیق بهیر په رسمي توګه پيل شو. د کورونا واکسین د تطبیق پرانیستو مراسمو کې د دغه واکسین لومړني ډوزونه امنیتي ځواکونو، روغتیايي کارکوونکيو او خبریالانو ته تطبیق شول.
ولسمشر محمد اشرف غني په ارګ کې د کورونا واکسین د تطبیق په اړه جوړو شویو مراسمو کې له امنیتي ځواکونو…
په بغلان او نيمروز ولايتونو کې سرچينې وايي، د طالبانو په بريدونو کې ۸ امنيتي ځواکونه وژل شوي دي او ۹ نور ټپيان دي.
نيمروز کې يوه سرچينه چې نه يې غوښتل نوم يې خپور شي سلاموطندار ته وايي، طالبانو تېره شپه د دې ولايت د چخانسور ولسوالۍ « هليلی» سيمه کې پر يوې پوستې ډلهييز بريد کړی چې له کبله يې ۶ پوليس وژل شوي او ۳ نور ټپيان دي او همداراز طالبانو د پوستې ټول تجهيزات له ځانه سره وړي دي.
بغلان کې محلي او امنيتي سرچينې وايي، طالبانو د بغلان – کابل لويې لار کې د تېلو ۶ ټانکر سوځولي او ۷ کسان يې له ځان سره وړي دي.
دغه سرچينې چې نه غواړي نومونه یې خپاره شي سلاموطندار ته وايي، طالبانو تېره شپه «کيلهګي» سيمه کې د امنيتي ځواکونو پر پوستو بريدونه کړي چې په دې نښتو کې چاته زیان نه دی رسېدلی خو طالبانو له نښتو وروسته دوشي ولسوالۍ کې د بغلان ـ کابل لویې لارې پر سر د تېلو ۶ ټانکر سوځولي دي.
د کندوز د ولایتي شورا غړی خالالدین حکیمي وايي، طالبانو تېره شپه د امامصاحب ولسوالۍ «اورتهبوز» سیمه کې پر امنیتي پوستو بریدونه کړي چې د افغان ځواکونو غبرګون سره مخ شوي.
د بغلان او دايکندي امنيتي مسوولان تاييدوي چې د سړک غاړې ماین چاودنو کې ۴ کسان وژل شوي او ۶ نور ټپيان دي.
د بغلان د امنيې قومندانۍ وياند احمد جاوېد بشارت ویلي، چاودنه د جمعې په ماښام د پلخمري ښار یوه ګڼه ګوڼه سیمه کې د پولیسو په رنجر موټر شوې.
د ولسي جرګې غړو د ناامنیو او هدفي وژنو زیاتېدو په غبرګون کې نن د کورنیو چارو وزیر، د ملي امنیت عمومي رییس او د دفاع وزیر جرګې ته ورغوښتي وو، خو د دفاع وزیر دغې غونډې ته نه و ورغلی. د کورنیو چارو وزیر مسعود اندرابي چې نن د ولسي استازو پوښتنو ته د ځواب ویلو لپار ولسي جرګې ته ورغلی و وویل، طالبان د راتلونکي کال جګړې لپاره پر بشپړ چمتووالي لګیا دي.
د غزني د والي ویاند وحیدالله جمعهزاده سلاموطندار ته وویل، موټربم چاودنه نن چهارشنبه سهار د کابل ـ کندهار د لویېلارې پر سر اندړو ولسوالۍ کې د ملي اردو ځواکونو پر یوه مرکز شوې ده.
د نوموړي په وينا، دغه موټربم چاودنه کې ۳ افغان ځواکونه وژل شوي او ۲ نور ټپیان دي.
بدخشان کې محلي مسوولان وايي چې د ياد ولايت مايمي ولسوالۍ د طالبانو لاس ته پرېوته. د مايمي ولسوال کامبېز قرباني ياد خبر تاييد کړی دی.
د بدخشان له مايمي ولسوالۍ يوه سرچينه سلاموطندار ته وايي، طالبانو د مايمي ولسوالۍ امنيې قومندان، د ملي امنيت مدير، جنايي مدير او يو شمېر امنيتي ځواکونه وژلي دي.
کندوز ولايت کې امنيتي مسوولان وایي، امنيتي ځواکونو له طالبانو د کندوز د دښتارچي ولسوالۍ یو شمېر سيمې بېرته ونيولې.
د ۲۱۷ پامیر قول اردو د ویاند مرستیال هادي جمال وايي، افغان ځواکونو د سېشنبې په سهار د کندوز د دښتارچي ولسوالۍ بېرته نیولو لپاره عملیات پیل کړل چې د ولسوالۍ مقام او امنیه قومنداني یې بېرته نیولې او عملیات یې دوام لري.
د کندوز ولایت محلي او د ولايتي شورا مسوولان وايي، د کندوز امام صاحب ولسوالۍ کې د سرحدي ځواکونو پر کنډک موټربم چاودنه شوې ده.
د ياد ولايت د ولايتي شورا رييس محمدیوسف ایوبي وايي، طالبانو نن سهار امام صاحب ولسوالۍ کې د سرحدي ځواکونو پر کنډک له چاودېدونکيو توکيو ډک موټر ته چاودنه ورکړې. د نوموړي په وينا، اوس مهال د امنيتي ځواکونو او طالبانو ترمنځ نښته روانه ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
