د بدخشان په یمګان ولسوالي کې ځمکه ښویېدلې چې له کبله یې دوه کسان مړه او شپږ نور ژوبل شوي دي.
د بدخشان د طبیعي پېښو پر وړاندې د مبارزې رییس محمداکرم اکبري وايي، دا پېښه پرون (د چنګاښ اتمه، د جمعې ورځ) د یمګان ولسوالي په «وني» سیمه کې شوې ده.
د نوموړي په وینا، په یمګان ولسوالي کې شپاړلس کورونه، یو ښوونځی او پنځه کیلومټره سړک د سېلابونو راوتلو له کبله هم ویجاړ شوي دي.
هغه زیاتوي چې په بدخشان کې له طبیعي پېښو سره د مبارزې ریاست له سېلابځپلیو سره د مرستې په موخه خپلې ارزونې پیل کړې دي.
سلاموطندار پر ټویټر هم وڅارئ
تېره اوونۍ هم د بدخشان په یمګان ولسوالي کې د سېلاب راوتلو له کبله یوشمېر کورنیو ته زیان اوښتی و.
