ځايي مسوولان وایي، د تېره شپې زلزلې له امله د پکتیکا په ګیان ولسوالي کې ۲۰ او د خوست په سپرې ولسوالي کې هم تر ۲۰ زیات کسان مړه شوي او لسګونه نور ټپیان شوي دي. دوی وویل، د ګڼو کورونو نړېدو په دلیل ښايي د تلفاتو شمېرې لوړې شي.
د افغانستان ګڼ شمېر نور ولایتونه هم تېره شپه یوې زورورې زلزلې لړزولي دي.
د پکتیکا ولایت اړوند د اورګون ولسوالي یوشمېر اوسېدونکو نن سهار د یادې ولسوالي په بازار کې پر خپلو هټیو او لاسي ګاډیو درې رنګه ملي بیرغ درولی و چې وروسته بیا د اسلامي امارت اړوند ځواکونو له لوري راښکته کړل شوي دي.
د پکتيا او پکتيکا د کرنې، اوبو لګولو او مالدارۍ رياستونو مسوولان وايي، د سږ کال په اوږد کې يې له جلغوزيو څخه ۱۰۰ ميليون افغانۍ عشر راټول کړی دی.
د سوېل ختيځ زون پکتيا، خوست او پکتيکا کې ډېرو هغو طبعي تفريحي سيمو ته چې پخوا د جګړو او ناامنیو له امله ورتګ ستونزمن وو، اوس د کورنیو سیلانیانو په ځانګړې توګه د ځوانانو تګ راتګ ورته زیات شوی دی.
په هېواد کې د وروستیو تحولاتو له امله که څه هم افغانان له ګڼو ستونزو سره لاس او ګرېوان دي، خو له شته امنیت څخه خوښي څرګندوي او له خپلو کورنیو سره لرو پرتو سیمو ته د چکر لپاره ځي.
چارواکي د هر نوي ښوونیز کال د پرانېستې پر مهال د ښوونې او روزنې پر وړاندې د ستونزو د حل ژمنې کوي، خو لا هم د ټول هېواد په کچه زدهکوونکي د ښوونځیو، کتابونو او ښوونکو له کمښت او ګڼو نورو ستونزو سره مخ دي.
د پکتيا، خوست او پکتيکا د پوهنې ریاستونو مسوولان وايي، د سوېل ختيځ زون په دغو درېوو ولايتونو کې د ۷ زره ښوونکو له کمښت سره مخ دي.
د پکتیکا ولایت د یوسفخېلو ولسوالي د مېست کلي اوسېدونکی حاجي ښاديخان نږدې ۷۳ کاله عمر لري او د ښرنې د ملکي روغتون د کورونا ناروغانو لپاره په ځانګړي شوي ځای کې تر درملنې لاندې دی.
د پکتیکا ولایت د مرکز ښرنې ختيځ لوري ته په لس کيلومترۍ کې د پلتو بند ډیزاين د سردار داوود خان د واکمنۍ پر مهال شوی و، خو د بېلابېلو لاملونو له امله یې تر اوسه د جوړېدو چارې نه وې پیل شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
