د سوېل ختيځ زون پکتيا، خوست او پکتيکا ولایتونو  ډېری هغو طبیعي تفريحي سيمو ته چې پخوا د جګړو او ناامنیو له امله ورتګ ستونزمن وو، اوس د کورنیو سیلانیانو په ځانګړې توګه د ځوانانو تګ راتګ ورته زیات شوی دی.

د دې ولايتونو اوسېدونکي غوښتنه کوي چې اړونده ادارې او سوداګر دې په دغو سيمو کې د سېلانیانو لپاره خدمات او اسانتياوې ډېرې کړي.

د سلام‌وطندار پښتو فېسبوک‌پاڼه وڅارئ

د پکتيا اوسېدونکی حقمل مسعودزی وايي چې د جګړو له امله د خلکو اقتصاد کمزوری شوی او که حکومت تفریحي سیمو کې د سیلانیانو لپاره اسانتیاوې برابرې کړي، له یوه پلوه به ورسره د تفریحي سیمو د اوسېدونکو اقتصاد وده وکړي او له با‌ لوري به حکومت ته هم ښه عاید ترلاسه شي.

په همدې حال کې د پکتيا په ګاونډ خوست او پکتيکا ولایتونو کې هم د سياحت لپاره د ښکلا طبیعي سيمې لري چې ګن‌شمېر هېوادوال یې د لیدو لپاره دغه ولایتونو ته ورځي.

د دغو دوو ولایتونو اوسېدونکي وايي، که چېرته حکومت او سوداګر يادو سيمو ته پام وکړي، له یوه پلوه به وزګارو ځوانانو ته د کار زمينه برابره شي او بل‌خوا به حکومتي ادارو ته د عاید د ترلاسه کولو زمنیه هم برابر شي.

د خوست ولایت یو اوسېدونکی وایي چې په دغه ولایت کې د  موسي‌خېلو، ګربزو سربېره ځاځي میدان، قلندر او نورو سیمو کې د تفریحې لپاره د لیدو وړ ځایونه شته او که چېرته د تفریحې زمینه پکې برابره شي، هم د دولت او سوداګرو او هم به د سیمې اوسېدونکو ته د کار او عاید سرچینه شي.

د سوېل ختيځو ولايتونو مسوولان وايي، پکتيا او ګاونډي ولايتونه یې د تفريح لپاره مناسب ځايونو لري او هڅه کوي ځینو دغو سيمو کې د خلکو لپاره خدمتونه وړاندې کړي.

د ګردېز ښاروال مولوي شريف‌الله الهام سلام‌وطندار ته وويل، په دې اړه راتلونکې کې خپل پلانونه لري. نوموړي زیاته کړه چې په راتلونکي پسرلي که به دغه پلانونه پلي کوي او د سیلانیانو لپاره به ګڼې تفریحې سیمې جوړوي.

سلام‌وطندار پر ټویټر هم وڅارئ

پکتیا کې اريوب‌ځاځي، جاني‌خېل، څمکني او پټان ولسوالۍ او د مرکز ګردېز اړوند «سټوکنډو» او «ابدکي» تفريحي سیمې دي.

خوست کې د ځاځي‌ميدان، موسی‌خېلو، قلندر او ګربز ولسوالیو غرونه او «فارم‌باغ او مېلمه‌کوټ» سیمې، او پکتیا کې هم سردې‌بند، ملکيار او ورژانه هغه سیمې دي، چې په ځنګلونو پوښل شوي او خلک د تفريح لپاره ورځي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام