برښنا شرکت د وري میاشتې په ۲۰مه وویل چې تر دې وروسته به په کابل کې د برښنا د لګښت بلونه هره میاشت پر خلکو وېشل کېږي.
که څه هم د کابل اوسېدونکو تمه لرله چې په میاشتني ډول د برښنا بلونو وېش به یې د لګښت پیسې کمې کړي، خو اوس د برښنا شرکت د دې پرېکړې په اړه شکایت لري.
د بدخشان د یوشمېر لرې پرتو ولسوالیو اوسېدونکي د لویو لارو نه موجودیت په اړه شکایت کوي. د بدخشان ښار په ګډون، د اتو ولسوالیو اوسېدونکي تل په دې برخه کې له ستونزو سره لاس او ګرېوان دي او په دې وروستیو کې یوشمېر ټرافيکي پېښو هم ترې قربانۍ اخیستې دي. دوی د بدخشان پر چارواکو تور لګوي چې د ستونزو د حل په برخه کې یې بېغوري کوي.
په خصوصي پوهنتونونو کې د لوړو فیسونو اخیستل هغه ستونزه ده چې زدهکړیالان یې تل په اړه شکایت کوي.
زدهکړیالان په دې برخه کې د لوړو زدهکړو وزارت او نورې اړوندې ادارې پر بېغورۍ تورنوي او وایي، تر اوسه د دې ستونزې د حل لپاره هېڅ کار نه دی شوی.
د عبدالرووف کورنۍ حکومت ته د خپل ۹ کلن ماشوم د خوشې کولو لپاره د ټاکل شوې مودې له پای ته رسېدو سره سم، په بلخ کې د یوناما دفتر مخې ته د اعتراض په توګه راغلې او دولت ته خبرداری ورکوي، که دغه ماشوم په څو ورځو کې د انسان تښتوونکو له منګولو را خوشې نه کړي، دوی به لاهه محکمې ته شکایت وکړي.
یوه میاشت او ۹ ورځې وړاندې د افغانستان بانک د کارکوونکو پر موټر چاودنه وشوه او د طلوع نیوز پخوانی خبریال یما سیاوش او د دغه بانک د عامه اړیکو سلاکار او دوه نور کارکوونکي پهکې ووژل شول. دا چې پر موټر څنګه چاودنه وشوه، هغه پوښتنه ده چي د یما سیاوش د کورنۍ په ګډون یې ډېر خلک لري، خو تر اوسه کومې مسوولې ادارې د دې چاودنې په اړه نور معلومات نه دي شریک کړي.
نورستانیان وايي، حکومت په لویو او برخلیک ټاکونکو پرېکړو کې د دغه ولایت خلک هېر کړي او د مور او میرې چلن ورسره کوي.
د کابل ښار یوشمېر اوسېدونکي د برښنا دوامداره نشتوالي په اړه شکایت کوي او وايي، حکومت خلکو ته د برښنا رسونې په برخه کې کمزوری دی او د برښنا شرکت د دغې ستونزې حل لپاره کار نه دی کړی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
