د ټرانسپورټ او هوایي چلند وزارت د هوا پېژندنې ریاست نن په یوه خبرتیا کې لیکلي چې د پنجشنبې او جمعې په ورځو به په ۳۴ ولایتونو کې سخته واوره او بارانونه واورېږي چې توپان او سېلاب به هم ورسره وي.
دغه وزارت زیاته کړې چې نن او سبا به په بدخشان، تخار، کندوز، بغلان، کنر، بلخ، پروان، پنجشیر، کاپیسا، کابل، لوگر، پکتیا، نورستان، لغمان، ننگرهار، خوست، پکتیکا، زابل، کندهار، هلمند، ارزگان، دایکندی، غور، هرات، فراه، نیمروز، بادغیس، سرپل، بامیان، میدانوردګ، غزني، سمنگان، جوزجان او فاریاب ولایتونو او سالنګونو کې هم سخته واوره او بارانونه وشي.
د هوا پېژندنې ریاست په پېلابېلو برخو کې د باران کچه له ۱۵ تر ۸۰ ملي متره او د واورې کچه هم له ۱۵ تر ۵۰ سانتي مترو پورې اټکل کړې ده.
