د پاکستان په ستر ښار لاهور کې ګڼشمېر خلک لارو او سړکونو ته راوتلي او د هند پر وړاندې د یاد هېواد بریا یې نمانځلې ده.
د پاکستان ډان ورځپاڼې راپور ورکړی چې دغه کسان د هند برید ته د دغه هېواد د پوځ غبرګون ستایلی او دا یې، د هند پر وړاندې بری ګڼلی دی.
هند او پاکستان دواړه ځان د تېرې اوونۍ په پای کې د پیل شوې څلور ورځنۍ جګړې ګټونکي بولي.
په ورته مهال پر پاکستان د هند له برید وروسته د یاد هېواد لومړی وزیر نرېندرا مودي او نورو چارواکو د خپل پوځ بریدونه ستایلي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا تېره ورځ د هند پوځ په یوې خبري ناسته کې وویل چې د هوايي ځواک پېلوټان له برید وروسته بېرته ورستانه شوي دي.
خو پاکستان ادعا لري چې د هند پنځه جېټالوتکې یې، نسکورې کړې دي، هغه ادعا چې د هند لهخوا بېبنسټه بلل شوې ده.
د هند او پاکستان ترمنځ څلور ورځنۍ جګړه د امریکا په منځګړیتوب پای ته ورسېده او اوس دواړه لوري د روان اوربند راتلونکي پړاو څرنګوالي په اړه خبرو ته چمتووالی نیسي.
