په افغانستان کې له سېلاب ځپلو سره د مرستې په موخه په بشري مرستو بار یوه پاکستانۍ الوتکه نن هېواد ته راورسېده.
په افغانستان کې د پاکستان سفیر منصور احمد خان نن شنبه ویلي دغه مرستې چې خېمې، خوراکي توکي او درمل په کې شامل دې، په مزارشریف کې به پر وروستیو سېلاب ځپلو کورنیو ووېشل شي.
د سلاموطندار پښتو فېسبوکپاڼه وڅارئ
نوموړي زیاته کړې چې دغه بشري مرستې د پاکستان د نوي ولسمشر شهباز شریف په لارښوونه افغانستان ته استول شوي دي.
د پاکستان سفیر زیاتوي چې په راتلوونکو ورځو کې به نورې بشري مرستې هم افغانستان ته واستول شي.
