روزګان کې یوې سرچینې د نوم نه ښودلو په شرط، سلاموطندار ته ویلي چې بېګاه شپه د دغه ولایت په چنارتو ولسوالي کې یوه کس ځانوژنه کړې ده.
سرچینې زیاته کړې چې پېښه بېګاه شپه ۹ بجې د دې ولایت د چنارتو ولسوالي د پاتان سيمې د سربند په نوم کلي کې شوې ده.
په ورته مهال سرچینې نه دي ویلي چې دغه کس ولې ځان وژنه کړې، خو زیاته کړې یې ده چې نوموړي ځان ځندۍ کړی او خپل ژوند ته یې د پای ټکی ايښی دی.
د روزګان محلي مسوولانو تراوسه په دې اړه رسنیو ته څه نه دي ویلي.
دا په داسې مهال ده چې له دې وړاندې هم د هېواد په یوشمېر ولایتونو کې ورته پېښې رامنځته شوي چې لامل یې اقتصادي ستونزې او کورنی تاوتریخوالی ښودل شوی دی.
