د پنجشېر محلي مسوولان وايي چې د دغه ولایت د بازارک د پارنده برښنا بند پروژې د پاتې څلور سلنه کار د بشپړېدو لپاره څه باندې یو میلیون ډالرو ته اړتیا لري.
د پنجشېر د اطلاعاتو او فرهنګ رییس نصرالله ملکزاده نن دوشنبه د وږي ۲۷مه سلاموطندار ته ویلي، د یادې پروژې قرارداد په ۲۰۱۳ کال کې د «انټراګلوبل میډل اېسټ» شرکت ته په اووه میلیونه او ۶۴۰زره ډالرو ورکړل شوی و.
د سلاموطندار پښتو فېسبوکپاڼه وڅارئ
د نوموړي په وینا، له هغه وخت راهیسې تراوسه دغه شرکت پر دې پروژه پنځه میلیونه او ۸۲۸زره او ۳۳۰ ډالر پانګونه کړې ده.
د یا دولایت مسوولانو همداراز ویلي چې د بازارک د پارنده برښنا بند د پاتې کارونو د بشپړتیا لپاره د اړتیا وړ بودیجې برابرولو په موخه یې د ریاستالوزرا اقتصادي کمېسیون ته وړاندیز کړی دی.
د پنجشېر د پارنده برښنا بند پروژې بشپړېدو سره به د یاد ولایت سربېره د پروان او کاپیسا ولایتونو اوسېدونکي هم د برښنا له نعمت برخمنې شي.
د یاد ولایت مسوولان ټينګار کوي چې د اړتیا وړ بودیجې په برابرېدو سره به د روان کال تر پایه یاده پروژه بشپړه کړي. یاد بند د څلور مېګاواټه برښنا د تولید ظرفیت لري.