په افغانستان کې د ملګرو ملتونو د بشردوستانه مرستو د همغږۍ دفتر یا اوچا ویلي چې ناروې د افغانستان له بشردوستانه صندوق سره یو میلیون او ۸۰۰ زره ډالره مرسته کړې ده.
د سلاموطندار پښتو فېسبوکپاڼه وڅارئ
اوچا دا موضوع نن (د وږي اتلسمه، یکشنبه) پر خپل اېکس یوه خبرپاڼه کې لیکلې، خو دا یې نهدي ویلي چې یادې پیسې به په کومه برخه کې ولګول شي.
د اوچا په وینا، ناروې په تېرو ۱۰ کلونو کې د افغانستان له بشردوستانه صندوق سره له اووهلسنیم میلیونه ډالرو ډېره مرسته کړې ده.
د ناروې تر څنګ، سویډن، کاناډا، بریټانیا، اسپانیا او سویس هم د افغانستان له بشردوستانه صندوق سره مرستې کړې دي.
دا داسې مهال ده چې د ملګرو ملتونو اړوندو ادارو ویلي چې په روان زېږدیز کال کې نږدې ۲۴ میلیونه افغانان چې ۱۲ میلیونه او ۳۰۰ زره یې ماشومان دي، بشردوستانه مرستو ته اړتیا لري.
