د لوګر نوي والي قاري صلاحالدین ایوبي نن چهارشنبه (زمري، لومړۍ) د یوې غونډې په ترڅ کې د یاد ولایت د نوي والي په توګه خپله دنده پیل کړه.
جوړې شوې غونډه کې د کرنې او مالدارۍ وزیر مولوي عطاالله عمري، د کورنیو چارو او کډوالو چارو وزارتونو مرستیالانو، لوګر چارواکو او قومي مشرانو ګډون کړی وو.
کرنې او مالدارۍ سرپرست وزیر مولوي عطاالله عمري وویل، د لوګر ولسونه د تېرو څو لسیزو جنګ جګړو له امله سخت زیانمن شوي او اړتیا ده چې د اسلامي امارت مسوولان ورته اساسي خدمات وړاندې کړي.
د هغه په وینا، اسلامي امارت په تېرو څو کلونو کې د هېواد په بېلابېلو برخو کې د کرنې، مالدارۍ، اوبولګولو او اقتصاد برخه کې د پام وړ پرمختګ کړی دی.
جوړې شوي غونډې ته د کورنیو چارو وزارت مرستیال مولوي عبدالله مختار وویل چې په حکومتي دندو کې تغیر او تبدیل یو اصل دی او د اسلامي امارت ټول مسوولان دې اصل ته ژمن دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه زیاته کړه چې لوګر پلازمېنې کابل ته څېرمه پروت ولایت دی، خو په تېرو حکومتونو کې ورته د پام وړ کار نهدی شوی او اړتیا ده چې د اسلامي امارت مسوولان په پوهنې، کرنې او مالدارۍ، اقتصاد او بیارغونې برخو کې دغه ولایت ځانګړې پاملرنه وکړي.
د لوګر لپاره نوي ټاکل شوي والي قاري صلاحالدین ایوبي په خپلو خبرو کې د اسلامي امارت له مشرتابه مننه وکړه او زیاته یې کړه چې د لوګر ولسونو لپاره اساسي خدمات رسول زموږ مسوولیت او په دې برخه کې به هېڅ دول هڅه ونصپموي.
ایوبي له ولس څخه غوښتنه وکړه چې د ورسپارل شوي دندې په ترسرهکېدو کې د ولایتي ادارې ملاتړ او همکاري وکړي.
هېره دې نه وي چې د اسلامي امارت واک ته رسېدو راهیسې لوګر کې دا پنځم والي دی چې تغیر او تبدیل کېږي او د دغه ولایت پخوانی والي مولوي ضیاالرحمن مدني د حج او اوقافو وزارت د نوي مرستیال په توګه ټاکل شوی دی.
