د امنیتي او تصفیوي چارو مرکزي کمېسيون نوبتي غونډه د دفاع وزارت سرپرست او د دغه کمېسيون مسوول محمد یعقوب مجاهد په مشرۍ ترسره شوه.
د اسلامي امارت د ویاند مرستیال حمدالله فطرت تېره ورځ (چهارشنبه، جوزا ۷مه) ویلي چې یاده غونډه کې د هېواد امنیتي وضعیت و ارزول شو او ګډونوالو د هېواد اوسنی امنیتي وضعیت د ډاډ وړ وباله.
همداراز، غونډه کې د هېواد له رسمي پولو او فرضي کرښو سره تړلې موضوعات هم تر غور لاندې نیول شوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د غونډې ګډونوالو د سرحدي سيمو د لا ښه کنټرول، د سرغړوونکو پر ضد د قوي اقداماتو او د سرحدي همغږۍ د پیاوړتیا لپاره په اړینو اقداماتو ټینګار وکړ.
د یادونې ده چې تېر یوه کال کې د پاکستان او اسلامي امارت ځواکونو څو ځله ډیورنډ فرضي کرښه کې نښتې کړي دي.
