که څه هم اپل شرکت په ۲۰۲۲ کال کې پر اوکراین د روسیې برید او د لوېدیځو بندیزونو له امله دغه هېواد کې خپل فعالیتونه بند کړي وو، خو یاد شرکت د روسیې پلازمېنه مسکو کې خپل نوی ایفون ۱۷ ماډل موبایل د پلور لپاره بازار ته وړاندې کړی دی.
د روسیې د پراخو وارداتو پروګرام په مرسته چې د بندیزونو پر وړاندې د بدیلو وارداتو لپاره جوړ شوی، د اپل نوي محصولات د ترکیې، چین، هند او متحده عربي اماراتو په څېر هېوادونو له لارې روسیې ته لېږدول شوي دي.
د روسیې د ټکنالوژۍ پرچون پلورونکي “Restore” د ۲۰۲۵کال د سپتمبر په ۲۰مه نېټه وویل چې د نوي ایفون ۱۷ لپاره د مخکې فرمایشونو شمېر د تېرکال په پرتله ۶۶سلنه زیات شوی دی.
سره له دې چې د روسیې اقتصاد د لوړو سودونو او د ۴ ټریلیونه روبلو څخه زیاتې بودجوي کمښت سره مخ دی، د ایفون ۱۷ لپاره د مصرفوونکو غوښتنه لاهم پر ځای پاتې شوې ده.
په روسیه کې د ایفون ۱۷ موبایلونو بیه د امریکا د بازار په پرتله تر ۵۰سلنه زیات ده. د ۲۵۶ جيبي ماډل بیه ۱۱۹,۹۹۰ روبله (شاوخوا ۱,۴۳۷ ډالر) ټاکل شوې چې د امریکا د ۷۹۹ ډالرو په پرتله لوړه ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د روسیې د مخابراتو لوی شرکت MTS راپور ورکړی چې د ایفون ۱۷ لپاره غوښتنه د تېر ماډل په پرتله دوه چنده شوې ده. د ۲۰۲۴کال د جنورۍ څخه تر سپتمبر پورې د روسیې حکومت د ایفون ۱۶ لپاره د تېرکال په پرتله څلور چنده زیات پلور کړی دی.
د iPhone 17 ځانګړتیاوې
ډیزاین او ښودنه
- پرده: ۶.۳ انچه Super Retina XDR OLED ډیسپلې چې د ۱۲۰ Hz ProMotion ټکنالوژۍ ملاتړ کوي.
- رنګونه: سپین، ساج، لېوینډر، شین او تور.
- چیسس: د المونیم فریم چې د سکریچ کولو پروړاندې درې چنده زیات مقاومت لري.
پرفارمنس او پروسیسر
- چپ سیټ: د نوي A19 چپ چې د Apple Intelligence ځانګړتیاوې لکه ژوندۍ ژباړه او بصري هوښیارتیا ملاتړ کوي.
- حافظه: ۸GB RAM او د ۲۵۶GB ذخیره چې د تېر نسل په پرتله دوه چنده شوې ده.
کیمرا سیسټم
- شا کیمره: د ۴۸MP دوه ګونی Fusion کیمره سیسټم چې د لوړ کیفیت عکسونه او ویډیوګانې وړاندې کوي.
- مخ کیمره: د ۱۸MP Center Stage کیمره چې د ډینامیک فریمینګ ځانګړتیا لري، د سیلفي او ګروپي عکسونو لپاره مناسب دی.
بیټرۍ او چارج کول
- بیټرۍ: د تېر نسل په پرتله اوږد شوی دی.
- چارج کول: ۴۰W فاسټ چارج کول چې د ۳۰ دقیقو په ترڅ کې تر ۵۰٪ پورې چارج کوي.
سافټویرونه او ځانګړتیاوې
- سافټوېر: iOS 26 چې د Liquid Glass ډیزاین او د Apple Intelligence پرمختللې ځانګړتیاوې وړاندې کوي.
- نورې ځانګړتیاوې: د Live Translation، Call Screening، او د شخصي کولو لپاره د Action بټن.
بیه
- بیه: د ۲۵۶GB ماډل په روسیه کې ۱۱۹,۹۹۰ روبله (شاوخوا ۱,۴۳۷ ډالر) ده چې د امریکا د بازار په پرتله ۵۷٪ لوړه ده.
