په دې وروستیو کې د هرات د بېلابېلو سیمو د حجامې یا له «بدن د وینې ښکلو» مرکزونو ته د درملنې لپاره د خلکو او ناروغانو ورتګ ډېر شوی دی.
هرات کې د حجامه درملنې د مرکزونو یوشمېر مسوولان وايي چې دې وروستیو کې یې مراجعه کوونکي زیات شوي او د وینې لوړ فشار، سیاتیک، د ملا او پښو درد او د وینې غوړ ناروغان ورته مراجعه کوي.
د سلاموطندار پښتو فېسبوکپاڼه وڅارئ
حکیم محمدروحاني چې هرات ښار کې د حجامې مرکز لري، سلاموطندار ته وویل، دې وروستیو کې یې مراجعهکوونکي ډېر شوي دي.
هغه وویل: «اسلامي سنتي طب ښه پرمخ روان دی او خلک د ملا او نورو دردونو ارامولو لپاره له کیمیاوي درملو ستړي شوي او سنتي طب ته مراجعه کوي چې حجامه د سنتي طب یوه له مهمو ستنو څخه شمېرل کېږي.»
په ورته مهال د حجامې مرکز یوه بل مسوول سدیس نېکفرجام بیا وايي چې حجامه د هرې ناروغۍ لپاره ګټوره نه ده او په وینا یې، دا کار باید له معاینې وروسته وشي.
نوموړي وویل: «څوک چې د وینې او زړه غوړ لري او د وینې او زړه غوړ یې کم شوي وي او د شکر دیابت یې هم تداوي کېږي. خو هغه کسان چې د ملا درد، عصبي دردونه یا معدې دردونه لري، له هغوی د وینې ښکلو سره سره نه یوازې درملنه یې نهکېږي، بلکې دردونه یې نور هم زیاتېږي.»
هرات کې د حجامې مرکزونو ته ډېری هغه کسان د درملنې لپاره مراجعه کوي چې د ملا، پېښو او نور دردونه ولري. عبدالودود چې د خپل ملا درد لپاره یې دوه ځله له بدن وینه ښکلې، سلاموطندار ته وویل: «څو کاله مخکې د حجامې په اړه مې فکر نهوو کړی او د ډاکټر له درملو به مې استفاده کوله، خو کله کې چې وضعیت خراب شو، راغلم حجامې مرکز ته.»
د هرات یو بل اوسېدونکی طاها یاري سلاموطندار ته وویل چې د خپل سردرد ورکولو لپاره د حجامې مرکز ته مراجعه کړې ده. هغه وویل: «سردرد لرم او پر بدن مې دانې راختلي دي، غواړم حجامه وکړم او هیلهمند یم ښه شم، لومړی ځل دی چې حجامه کوم.»
بلخوا د هرات د عامې روغتیا ریاست مسوولان بیا وايي چې حجامه درملنه تراوسه له قانوني اړخه د هېواد روغتیا سکټور کې نهده شامله شوې او په وینا یې، د حجامې مرکزونو نهثبت له امله له یادو مرکزونو سمه څارنه نهده شوې.
د یاد ولایت د عامې روغتیا ریاست مرستیال محمداصف کبیر سلاموطندار ته ویلي چې د حفظالصحې نهمراعتېدو له امله د دې پر ځای چې حجامه ناروغ ته ګټه ورسوي، په زیان یې تمامېږي.
هغه وویل: «ځینې کسان مو ولیدل چې حجامه یې په زیان تمامه شوې او عامې روغتیا ریاست د دوی پر وړاندې اقدام کړی، خو دا چې ډېری یې ثبت نهدي، نو څارنه ترې کمه وه.»
د روغتیاپالانو په وینا، افغانستان کې ډېری وخت د پوهاوي نشتون له امله ډېری خلک د ناروغۍ پر مهال په خپلسري توګه کاروي او یا هم له نورو لارو استفاده کوي چې ځانته زیان رسوي.
پر دې سربېره هېواد کې بېوزلي، اقتصادي ستونزې او د روغتیايي خدمتونو کمښت لامل شوی چې خلک خپلسریو درملنو ته مخه کړي.