د میدانوردګ چارواکي وایي چې له پاکستان څخه په زور د ایستلو شویو افغان کډوالو لپاره د دغه ولایت د کډوالو ښارګوټي کې ۲۷۲ د هستوګنې کورونه جوړوي.
د یاد ولایت د والي دفتر رییس ضابط حارث وايي چې له کډوالو سره د بېړنې مرستې په موخه یې په میدانوردګ کې د مسوولانو یوه غونډه رابللې وه.
د سلاموطندار پښتو فېسبوکپاڼه وڅارئ
هغه زیاته کړه چې د شوې پرېکړې له مخې، به د میدانوردګ د کډوالو ښارګوټي کې ۲۷۲ کډوالو ته کورونه جوړ شي او په دغه ولایت کې به د دولتي اداري او موسسې له پاکستان څخه تازه راکډه شویو افغانانو سره بېړنې مرسته وکړي.
باید وویل شي چې په دې وروستیو کې د پاکستان حکومت پرېکړه کړې چې له دغه هېواد به هغه افغانان کډه کوي چې د اوسېدو قانوني اسناد نه لري.