د عاشورا ورځې په رانږدې کېدو سره بلخ کې امنیتي مسوولان وايي چې دغه ولایت کې یې د شیعه وګړو اړوند جوماتونو او تکیهخانو امنیت لپاره کلک تدابیر نیولي دي.
د بلخ امنیې قومنداني د امنیت امر عبدالحی عابد سلاموطندار ته وايي چې دغه ولایت کې د عاشورا مراسمو امنیت لپاره د ښار بېلابېلو سیمو کې ګډ امنیتي ځواکونه ګومارلې دي.
د سلاموطندار پښتو فېسبوکپاڼه وڅارئ
عابد وویل: «د عاشورا مراسمو لپاره بشپړ امنیت نیول شوی او خلک کولای شي چې خپل مذهبي مراسم په امنه فضا کې او له اندېښنو لرې ترسره کړي.»
یوشمېر شیعه مذهبي بیا د مرحوم ورځو کې د دوی اړوند مراسمو کې د امنیتي چارواکو له حضور هرکلی کوي او د دوی شتون د یوه بل د منلو او ملي یووالي نښه بولي.
د بلخ یوه اوسېدونکي سجاد موسوي وايي چې د عاشورا مراسمو امنیت ټینګښت به یادو مراسمو کې د خلکو د ګډون کچه او لېوالتیا ډېره کړي.
هغه وویل: «د بلخ جوماتونو او تکیهخانو څخه د امنیت امر له لیدو خوښ یوو او دا به د یووالي او ورورولۍ ستنې پیاوړې کړي.»
په ورته مهال بلخ کې یوشمېر نور شیعه مذهبي هم د عاشورا لپاره د امنیت له ټينګښت خوښي څرګندوني او په وینا یې، «تراوسه هېڅ امنیتي ستونزه نه ده پېښه شوې.»
بلخ کې امنیتي مسوولان داسې مهال دغه ولایت کې د جوماتونو او تکیهخانو د امنیت ټينګښت ډاډ ورکوي چې له دې وړاندې د شیعه مذهبو اړوند تکیهخانو او جوماتونو باندې خونړي بریدونه شوي دي.
