د غور د ځمکني ټرانسپورټ امر ضیاالحق جندالله سلاموطندار ته وايي چې له بېګاه شپې راهیسې د سخت توپان او واورې له امله د کابل-غور او غور-هرات لویو لارو سربېره د یاد ولایت ولسوالیو ته غځېدلې ټولې لارې تړل شوي دي.
نوموړي ویلي: «موږ بېګاه شپه خپلو نمایندهګیو ته وویل چې مسافرین انتقال نه کړي، ځکه وضعیت خراب دی او لاره کې ایسار پاتې نهشي او خلک له ستونزو سره مخ نهشي.»
د غور د ځمکني ټرانسپورټ امر له ټولو مسافرینو غواړي چې د هوا تر ښه کېدو او د لویو لارو تر پاک کېدو دې، له سفر کولو ډډه وکړي.
سلاموطندار پر ټویټر هم وڅارئ
د کابل-غور او غور-هرات لویو لارو ترڅنګ د غور ټولې مواصلاتي لارې غرنۍ او خامه دي چې تل په ژمي کې د مسافرو د تګراتګ پرمخ تړل کېږي.
