د پکتیکا ولایت د طبیعي پېښو پر وړاندې د مبارزې رییس مطیعالله منصور سلاموطندار ته ویلي چې پرون (د چنګاښ شپږمه، د سهشنبې ورځ) ماسپښین مهال د دغه ولایت په ارګون ولسوالي کې راغلي سېبلاب دوه کسان مړه او درې نور ژوبل کړي دي.
د سلاموطندار پښتو فېسبوکپاڼه وڅارئ
دا پېښه هغه مهال شوې چې د یادو کسانو موټر سېلاب ګیر کړی او وړی یې دی. د منصور په وینا، ټول مړه او ژوبل شوي کسان له پنځلسو کلونو کم عمر درلود.
هغه زیاتوي چې د پکتیکا د مرکز ښرنې په ګډون، په خیرکوټ، مټاخان او سروبي ولسوالیو کې سختې ږلۍ او توپان کروندګرو او بزګرو ته ډېر مالي زیانونه هم اړولي دي.
دا چې افغانستان یو غرنی هېواد دی او د سېلابونو پر وړاندې د مبارزې لپاره د زېربناوو نه موجودیت لامل شوی چې هر کال د هېواد په بېلابېلو ولایتونو کې ډېرې ځمکې سېلاب یوسي او خلکو ته درانه مالي زیانونه واړوي.