د فاریاب محلي مسوولان وايي چې د دغه ولایت مرکز میمنې ښار اړوند د «امام ابو حنیفه» جومات مخې ته شوې چاودنه مرګژوبله نهلري.
د فاریاب د اطلاعاتو او فرهنګ رییس شمسالله محمدي سلاموطندار ته ویلي چې پېښه نن غرمه مهال د میمنې ښار د درېیمې حوزې اړوند امام ابو حنیفه جومات دروازې مخې ته رامنځته شوې ده.
د نوموړي په وینا، چاودنه په یوه موټرسایکل کې د ځای پر ځای شویو چاودېدونکو توکو د چاودنې له امله شوې ده.
د فاریاب د اطلاعاتو او فرهنګ رییس همداراز وویل چې دغه چاودنه د مخربو کړیو کار دی او موخه یې د خلکو ترمنځ اندېښنې رامنځته کول دي.
بلخوا بیا یوې سرچینې د نوم نه ښودلو په شرط سلاموطندار ته ویلي چې چاودنه کې د اسلامي امارت د درېوو سرتېرو په ګډون شپږ کسان ټپیان شوي دي.
تراوسه د دې چاودنې مسوولیت کوم چا یا ډلې پر غاړه نه دی اخیستی.
سلاموطندار پر ټویټر هم وڅارئ
دا په داسې مهال دی چې څو ورځې وړاندې په کابل کې هم د یوې چسپکي ماین د چاودنې له امله دوه کسان ټپیان شوي وو.
