د افغنستان بانک په هېواد کې د افغانۍ ارزښت ساتنې لپاره سبا «پنجشنبه، غبرګولي ۲۹مه»، ۱۵ میلیونه امریکايي ډالر د لیلام په توګه بازار ته وړاندې کوي.
یاد بانک نن (چهارشنبه، غبرګولي ۲۸مه) پر خپله اېکسپاڼه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا پنجشبنه، ۱۵میلیونه امریکايي ډالر لیلام کړي.
دغه بانک له ټولو خصوصي بانکونو او پر شرایطو برابر د پولي خدمتونو او صرافیو شرکتونو څخه غوښتنه کړې چې دې داوطلبۍ کې ګډون وکړي.
د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د افغانستان بانک لیکلي: «د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي، د داوطلبۍ ګټوونکي د خپل ذمت د قیمت پیسې په یو ځل په نغد ډول په ټاکلي موده کې د افغانستان بانک ته سپاري.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د افغانستان بانک له دې وړاندې هم د افغانیو ارزښت ساتنې او ثبات لپاره میلیونونه ډالر د داوطلبۍ له لارې د لیلام په توګه بازار ته وړاندې کړي دي.
دا له نږدې کافي ځنډ وروسته لومړی ځل دی چې د افغانستان بانک ۱۵ میلیونه امریکايي ډالر بازار ته وړاندې کوي. د ایران او اسراییلو ترمنځ د روانې نښتې، د اسعارو پر بیې هم اغېز کړی دی.
له تېرو څو ورځو راهیسې هېواد کې یو امریکايي ډالر له شاوخوا ۶۹ افغانیو څخه څه باندې ۷۱ افغانۍ ته پورته شوی دی.
