د ۲۰۳منصوري قولي اردو اړوند څلورمې پلې لېوا چارواکي وايي، کشفي او استخباراتي ځواکونو د لوګر په محمداغې ولسوالي کې ۲۲ مزايل مرمۍ نيولي دي.
د څلورمې پلې لېوا مطبوعاتي مسوول نوروز ځلاند سلاموطندار ته وويل، کشفي او استخباراتي ځواکونو بېګاه شپه د محمداغې ولسوالي په «سرخاب» سیمه کې لرې واټن ویشتونکي ۲۲ مزايل مرمۍ او سل متره ثانيه سوز نيولي دي.
یوې حکومتي سرچیڼې سلاموطندار ته ویلي چې بېګاه «جمعه، غويي۲۷مه» ډنډپټان ولسوالي کې د افغان سرحدي ځواکونو او پاکستان ملېشو ترمنځ يو ځل بيا سخته جګړه شوې.
د سرچینې په وینا، جګړه د شپې شاوخوا يوه بجه رامنځته شوې چې پنځه ساعته يې دوام کړی دی.
د صنعت او سوداګرۍ وزارت مسوولان وايي، د دغه وزارت سرپرست نورالدین عزیزي چې د یاد پلاوي مشري پر غاړه لري، د «روسیې او اسلامي نړۍ» د ۱۵مې اقتصادي ناستې په څنډه کې به افغانستان کې د پانګونې جلبولو لپاره د ځینو هېوادونو پلاویو او سوداګرو سره هم لیدهکاته ولري.
د کابل او اسلاماباد ترمنځ د ننګونو او نارضایتیو له دوام سره هممهاله، د پاکستان بهرنیو چارو وزارت یوه خبرپاڼه کې ویلي، له ترهګرۍ سره د ګډې مبارزې په برخه کې یې امریکا سره هوکړه کړې.
د یادو ادعاو په غبرګون کې د افغانستان سرپرست حکومت مسوولانو تل د پاکستاني چارواکو دغه ادعاوې رد کړي دي.
د استرالیا د پوځ پخوانی وکیل ډېوېډ مکبراېډ په افغانستان کې د استرالیايي پوځیانو د جنګي جرمونو په تړاو د معلوماتو د افشاکولو په تور په پنځه کاله او اته میاشتې بند محکوم شوی دی. د نړیوال عدالت لپاره د اسټرالیا مرکز اجرايي رییس راوان عراف د یاد هېواد د حکومت دغه پرېکړه «خندونکې» بللې.
د مخکیني حکومت پرمهال د ولسي جرګې غړی اللهګل مجاهد کابل کې د یوه کس د وژنې په تور نیول شوی دی.
د کابل امنیه قومنداني مسوولان وایي چې نوموړی د یوه کس د وژنې په قضیه کې د امنیتي ځواکونو لهخوا نیول شوی دی. د اللهګل مجاهد کورنۍ تراوسه د نوموړي د نیولکېدو په اړه رسنیو ته څه نهدی ویلي. د اللهګل مجاهد کورنۍ تراوسه د نوموړي د نیولکېدو په اړه رسنیو ته څه نهدی ویلي.
د ا.ا ویاند ذ.بېحالله م.جاهد وايي چې د ارشاد، حج او اوقافو وزارت سرپرست نورمحمد ثاقب د یوه پلاوي په مشري په ترکیه کې د اسلامي نړۍ د علماوو غونډه کې د ګډون په موخه استانبول ته تللی دی.
د ملګرو ملتونو عمومي مجمع د یوه پرېکړهلیک په تصویبولو سره په دغه سازمان کې د یوه خپلواک هېواد په توګه د فلسطین بشپړ غړیتوب ته مثبته رایه ورکړه.
دغه سازمان په خپل پرېکړهلیک کې لیکي چې فلسطین د ملګرو ملتونو سازمان د غړیتوب وړتیا لري او له امنیت شورا یې غوښتي چې د فلسطین غوښتنه بیا هم وارزوي.
د هېواد د شمال په پنځو ولایتونو کې ۲۲صنعتکارو او سوداګرو مېرمنو سلاموطندار سره د مرکو په ترڅ کې ویلي چې کاروبار یې بازار نهلري.
یادو مېرمنو خپلو مرکو کې اندېښنه څرګنده کړې چې د لاسي صنایعو عاید یې کم دی، خو په وینا یې، اړ دي د خپلې کورنۍ اړتیاوو برابرولو لپاره پر دې کار ځان بوخت وساتي.
افغانستان کې د ملګروملتونو د استازولۍ دفتر «یوناما» سلاموطندار ته په یوې رالېږل شوې خبرپاڼه کې ویلي، د ملګروملتونو په مالي او اداري چارو کې د مشورتي کمېټې یو پلاوی د یوناما چارو ارزونې په موخه کابل ته راغلی دی. د دوی په وینا، یوناما د وروستیو کلونو پرمهال پر دې نهده بریالۍ شوې چې خپلې دندې په سمه توګه پرمخ بوځي.
لوګر کې د ۲۰۳ منصوري قولي اردو چارواکي وایي چې د کشفي او استخباراتي راپورونو له مخې، امنیتي ځواکونو په څرخ، برهکي برک او ازرې ولسوالیو کې عملیات کړي او یوشمېر وسلې او مهمات یې نیولي دي.
د ملي دفاع وزارت د پاکستان د پوځ ویاند هغه ادعا ته چې ګواکې په دغه هېواد کې پر چینایي وګړو شوی ځانمرګی برید په افغانستان کې پلان شوی و، غبرګون ښودلی او دغه ادعا یې په کلکو ټکو غندلې. د خورازمي په وینا، د ورته پېښو او موضوعاتو د «پړې ګوته افغانستان ته نیول په کلکو ټکو غندي.»
د ریاستالوزرا سیاسي مرستیال مولوي عبدالکبیر وايي چې د ا.ا مخالفان دې له خپل مخالفت لاس واخلي او هېواد ته دې راشي.
نوموړي دغه څرګندونې نن سهشنبه، غويي ۱۸مه پروان کې د یوې غونډې پرمهال کړې دي. د نوموړي په وینا، ګاونډیان او د سیمې هېوادونه پر دې سلا او مشور بوخت دي، څو «امارت» په رسمیت وپېژني.
د بدخشان د امنیې قومانداني مسوولان وايي، هغه ستونزې چې درې ورځې وړاندې د دغه ولایت د دریام او ارګو ولسوالیو په قرلق او ګنده چشمه سیمو کې د کوکنارو د کښت له منځه وړلو پر سر د خلکو او د ا.ا د ځواکونو ترمنځ رامنځته شوې وې، حل شوي او وضعیت عادي شوی دی.
د لوګر امنیې قومنداني چارواکي وایي چې د دغه ولایت د نشهيي توکو پر وړاندې د مبارزې ادارې له لوري په مرکز پلعلم او یوشمېر ولسوالیو کې پر نشهيي توکو د روږدو کسانو د راټولولو کمپاین پيل شوی دی.
د کار او ټولنیزو چارو وزارت مسوولان وايي، روانه میلادي میاشت به کابل کې د «کار ملي کنفرانس» جوړ کړي.
د یاد وزارت مسووولانو دغه څرګندونې کابل کې د کار نړیواله ورځې نمانځغونډه کې وکړې.
د دوی په وینا، هېواد کې د وزګارتیا لاملونو څېړلو او ننګونو ته یې د رسېدنې لپاره، د روانې میلادي میاشتې په ترڅ کې د «کار ملي کنفرانس» هم جوړ کړي.
