د کانونو او پټرولیم وزارت مسوولان وايي چې نږدې راتلونکې کې به د ترکمنستان په همکاري هېواد کې د ټاپي پروژې عملي چارې پیل کړي.
د یاد وزارت مسوولان دغه څرګندونې وروسته له هغه کوي چې د امیرخان متقي په مشري یو پلاوی چې د کانونو او پټرولیم وزارت چارواکي هم پهکې ګډون لري، د ترکمنستان په بلنه دغه هېواد ته تللي دي.
د کورنیوچارو وزارت سرپرست سراجالدین حقاني وايي، له خپل دین څخه د دفاع په لاره کې هر ډول قرباني ته اماده دی. نوموړي دغه څرګندونې «دوشنبه، کب اوومه» خوست کې د حسن قرائت مراسمو کې د وینا پر مهال کړي. نوموړي وویل، د اسلام دين دفاع لپاره هر ډول قرباني ته چمتو دی او له دین څخه د دفاع لاره کې د هېچا لحاظ هم نهساتي.
افغان ښځې سره له دې چې له سختو محدودیتونو سره مخامخ دي، خو بیا هم نهدي ماتې شوي او هڅه کوي چې خپلو موخو ته ځانونه ورسوي. که څه هم افغان ښځې اوس خپلو ډېرو بنسټیزو حقونو ته لاسرسی نه لري، زدهکړو او کار ته نه پرېښودل کېږي، خو یوشمېر هغو یې په ټولنه کې د خپل فعالیت د دوام په موخه ځان ته بېلابېلې بوختیاوې پیدا کړې دي.
که څه هم واک ته د اسلامي امارت تر رسېدو وروسته، ټول هېواد کې د نشهيي توکو پر کښت، پېر او پلور بندیز ولګول شو، خو بیا هم یوشمېر سیمو کې په سلګونه جریبه ځمکه کوکنار کرل شوي دي. د کروندګرو په وینا، دا چې نور کاروبار نهلري او که له کوکنارو پرته بل کښت وکړي، ان خپل کړی لګښت هم نهشي پوره کولی.
د روزګان پخوانی والي محمدعلي جان احمد وايي چې دغه ولایت کې یې د یونیم کال ماموریت پر مهال ۴۰ کانونه تثبیت کړي دي.
محمدعلي جان احمد تازه د سرحدونو او قبایلو چارو وزارت د جرګو، اقوامو او قبایلو د هماهنګۍ مرستیال توګه ټاکل شوی دی.
د افغانستان بانک وايي چې د روانې اوونۍ د سهشنبې پر ورځ «کب، اتمه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د کب اوومه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سهشنبه «۱۷» میلیونه امریکايي ډالر لیلام کړي.
د بامیان او دایکندي محلي مسوولان وايي، کابل ته د دغه ولایتونو غځېدلې لویې لارې د واورو اورښت او توپان له کبله تړل شوي دي.
د مسوولانو په وینا، له کابل سربېره د دې ولایتونو له مرکزونو سره د ولسوالیو لویې لارې هم بندې شوي. بلخوا د دایکندي مسوولان وايي، دغه ولایت کې اورښتونو د کابل او د یاد ولایت د ولسوالیو لارې تړلې دي.
د لوګر د کلیو پراختیا او بیارغونې ریاست چارواکي وايي چې د خوړو نړیوال پروګرام (WFP) له لوري په برهکي برک او څرخ ولسوالیو کې پر شاوخوا ۱۳۵۰ بېوزله او اړو کورنیو خوراکي توکي وېشل شوي دي.
د لوګر د صنعت او سوداګرۍ ریاست چارواکي وایي چې د تېرکال پرمهال یې د ۳۵۰میلیونه افغانیو په ارزښت توکي صادر کړي چې د تېر کال په پرتله ۱۵سلنه زیاتوالی ښيي.
لوګر کې د شهیدانو او معلولانو چارو ریاست چارواکي وايي، شاوخوا ۱۸۰۰خیالي معلولین یې تثبیت کړي او پرځای یې نور مستحق کسان ثبت شوي دي.
د افغانستان په چارو کې د امریکا ځانګړي استازي توماس وېسټ د افغانستان په اړه د دوحې غونډې د جزییاتو په خپرولو سره ویلي، دغه غونډه کې له افغانستانه بیاځلې د ترهګرۍ ګواښونو نه رامنځته کېدو، زدهکړو او کار ته د ښځو او نجونو بیرته ورګرځېدو او د اقتصادي او بشري مرستو وړاندې کولو لپاره اجماع موجوده وه.
هرات کې یوشمېر مېرمنې وايي چې هېواد کې له کار د ښځو مخنیوي وروسته، له رواني فشارونو د خلاصون او د عوایدو سرچینو رامنځته کولو په موخه یې کوچنیو کارونو ته مخه کړې. په دې مېرمنو کې له شپږم ټولګي پورته نجونې زدهکوونکې او ښځینه زدهکړیالانې هم شاملې دي.
د روزګان په چهارچینو او خاص روزګان ولسوالیو کې د ۱۵ میلیونه افغانیو په ارزښت، ۱۵۰۰ کورنیو سره د خوراکي توکو مرسته شوې.
د یاد ولایت د والي ویاند احسانالله حماس سلاموطندار ته وايي چې دغه مرسته د «اومه خیریه بنسټ» له لوري د چهارچینو او خاص روزګان ولسوالیو بېوزله، یتمانو او هغو کونډو سره شوې چې د کورنۍ سرپرست نهلري.
بلخ کې چارواکي وايي چې د عربي متحده اماراتو له دوبۍ څخه د هوا له لارې د بلخ مزارشریف ښار ته ۱۶ټُنه سوداګریز توکي رالېږدول شوي دي.
د مولانا جلالالدین محمدبلخي هوايي ډګر مسوولانو وايي، دغه سوداګریز توکي د یوې الوتکې په مرسته مزارشریف ته لېږدول شوي.
د میدانوردګ د کرنې او مالدارۍ ریاست چارواکي وایي چې د ملګرو ملتونو د پراختیايي پروګرام (UNDP) په مالي ملاتړ په سیداباد ولسوالي کې د یوې پروژې چارې پيل شوي دي.
د هلمند د لښکرګاه ښاروالي مسوولان وايي چې روان ۱۴۰۲ کال کې یې د څه باندې ۱۰۰میلیونه افغانیو په لګښت پروژې پلې کړې دي.
د دوی په وینا، د یادو پروژو په پليکېدو سره د ښار په ښکلا او بڼه کې د پام وړ بدلون راغلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
