د پاکستان پوځ په یوې خبرپاڼه کې ویلي چې د دغه هېواد د خېبرپښتونخوا ایالت اړوند تیرا سیمه کې له وسلهوالو سره په نښته کې دوه سرتیري وژل شوي او څلور نور ټپیان دي.
په خبرپاڼه کې راغلي چې په تیرا سیمه کې د نښتې پر مهال دوه وسلهوال هم وژل شوي، خو دا نه دي ویل شوي چې دغه کسان د کومې وسلهوالې ډلې غړي وو.
تراوسه کومې وسلهوالې ډلې د پاکستان د پوځ د ادعا په اړه کوم غبرګون نه دی ښودلی او نه یې هم د نښتې په اړه څه ویلي دي.
سلاموطندار پر ټویټر هم وڅارئ
دا په داسې مهال دی چې د روان میلادي کال له پیله تر دې مهاله د پاکستان په خېبرپښتونخوا، بلوچستان او یوشمېر نورو سیمو کې وسلهوال بریدونه زیات شوي چې د یاد هېواد د امنیتي ادارو په وینا، د تېر کال په پرتله د پام وړ دېروالی ښيي.
