هېواد کې د فقر او بېکارۍ زیاتېدو په دوام دې وروستیو کې د بادغیس اوسېدوونکيو تاریخي سیمو کې ناقانونه کیندنې پیل کړي او هڅه کوي لرغوني اثار استخراج کړي. دغه کار د بادغیس د لرغونپوهانو او د مدني فعالانو د اندېښنې لامل شوی.
د بادغیس لرغونپوهان او مدني فعالان وایي، شاوخوا ۳ میاشتې کېږي چې د دغه ولایت اوسېدوونکيو تاریخي سیمو کې ناقانونه کیندنو ته مخه کړې، څو تاریخي اثار استخراج او وپلوري. دوی د اسلامي امارت له مسوولانو څخه غواړي چې لرغونو سیمو کې د خلکو د خپلسره کیندنو مخه ونیسي.
د سلاموطندار پښتو فېسبوکپاڼه وڅارئ
د بادغیس یو شمېر لرغونپوهان په دې باور دي چې تاریخي سیمې او اثار خورا ارزښت لري او خلک یې باید په ناقانونه توګه ونه سپړي.
بادغیس کې لرغونپېژندونکی او د پوهنتون استاد سید علي رضاکارګر دغه ولایت کې د لرغونو سیمو پر خوندیتوب ټینګار کوي او وایي چې باید د دې کار مخه ونیول شي.
بادغیس کې د اسلامي امارت د فرهنګي کمیسیون مسوولان دغه ولایت کې د لرغونو سیمو د کیندنو په تور د ۹ کسانو د نیولو خبر ورکوي او وايي، هغو کسانو سره به قانوني چلن وشي چې تاریخي او لرغوني ځایونه په ناقانونه توګه سپړي.
د بادغیس فرهنګي مسوولان وايي، دغه ولایت کې په لسهاوو تاریخي سیمې او اثار شته چې ډېری یې په مرکز قلعهنو ښار او قادس، بالامرغاب او ابکمري ولسوالیو کې دي.
