د هند کرېکټ غوره لیګ یا ای‌پي‌اېل کې نن ماښام د افغان لوبغاړو په ګډون پنجاب کنګز له ګجرات ټایټنز سره سیالي کوي.

ټاکل شوې چې یاده لوبه نن ماښام ۶:۳۰ بجې د هند د احمداباد په «نرېندرا مودي کرېکټ لوبغالي» کې پیل شي.

دا د ای‌پي‌اېل روان لیګ پنځمه لوبه ده چې ترسره به شي.

ګجرات ټایټنز لوبډله کې افغان لوبغاړی راشدخان او په پنجاب کنګز کې بیا بل افغان لوبغاړی عظمت‌الله عمرزی لوبه کوي.

عظمت‌الله عمرزی تېرکال د ای‌پي‌اېل لیګ کې له همدې ګجرات ټایټنز لوبډلې سره لوبېده.


سلام‌وطندار پر اېکسپاڼه هم وڅارئ

د سلام‌وطندار پښتو فېسبوک‌پاڼه وڅارئ


لوبه د ګجرات ټایټنز په کورني لوبغالي کې کېږي چې له تمې سره سم به زرګونه نندارچیان هم د لوبې نندارې لپاره لوبغالي ته ورشي.

ګجرات ټایټنز او پنجاب کنګز د هند غوره لیګ د تېرو پړاونو پرمهال په مخ شویو وروستیو پنځو لوبو کې درې ځلې ټایټنز او دوه ځلې کنګز بریاوې خپلې کړې دي.

د یاد لیګ په بېګانۍ لوبه کې بیا ډیلي کپېټلز په یوې په زړه پورې سیالي کې لکناو سوپر جاینټز لوبډلې ته په یوې وېکټ ماته ورکړه.

پدې خبر پورې اړوند:

شریک یې کړی:
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام