د افغانستان بانک وايي، هېواد کې د «افغانۍ» د ارزښت ساتلو او ثبات لپاره به سبا پنځلس میلیونه امریکايي ډالر د بولۍ له لارې لیلام کړي.
د سلاموطندار پښتو فېسبوکپاڼه وڅارئ
دغه بانک له نورو بانکونو او د پولي خدمتونو او صرافۍ شرکتونو څخه غوښتي چې په دې بولۍ کې ګډون وکړي.
د افغانستان بانک ویلي، هر چا چې دا بولۍ وګټله، باید د هماغې ورځې تر پایه خپل حسابونه پاک کړي.
یاد بانک لیکلي: «د اسعارو د لیلام بولۍ کې د معاملو قسمي تسویه بنده ده. ګټونکي باید تر ټاکلې مودې پورې د خپل ضمانت پیسې په یو ځل او نغدې د افغانستان بانک ته وسپاري.»
د افغانستان بانک تېره اوونۍ هم د افغانۍ د ارزښت ساتلو او ثبات لپاره پنځلس میلیونه امریکايي ډالر د بولۍ له لارې لیلام کړي وو.
