د زابل مرکز کلات ښار اړوند د کاکړانو چینې سیمې اوسېدونکي خيالمحمد حقمل د «قرانکریم» لومړۍ سپاره په خپلو لاسونو لیکلې ده.
خیالمحمد حقمل سلاموطندار ته ویلي، هوډ لري چي ټول قران کریم په لاس ولیکي، خو په وینا یې، امکانات یې کم دي او د یاد ولایت له مسوولانو او اوسېدونکو یې د مرستې غوښتنه وکړه.
نوموړي نن په خپل لاس لیکلې د قران کریم لومړۍ سپاره د یاد ولایت د فرهنګ او ګرځندوی امریت ته وسپارله.
سلاموطندار پر ټویټر هم وڅارئ
بلخوا د یاد ولایت د اطلاعاتو او فرهنګ ریاست د ګرځندوی امر عبدالولي بشرمل یاد امریت ته په لاس د قران د لومړۍ سپارې د لیکل شوې نسخې د تسلمېدو پرمهال ویلي، دغه ځوان ته به د ټول قران د لیکلو په برخه کې امکانات برابر کړي.
